AFGRI
BEAN
27 Sep
-
9634
0,00
CORN
27 Sep
-
4759
-49,00
SOYA
27 Sep
-
9430
52,00
SUNS
27 Sep
-
9871
-97,00
WEAT
27 Sep
-
7065
7,00
WMAZ
27 Sep
-
4842
-24,00
YMAZ
27 Sep
-
4777
-21,00
AMT
Ave Wool - Non RWS
16 Sep
-
166,31
0,00
Ave Wool - RWS
16 Sep
-
174,76
0,00
Beeste A2/3
16 Sep
-
60,68
-0,67
Beeste AB2/3
16 Sep
-
56,6
-0,92
Beeste B2/3
16 Sep
-
52,85
-1,51
Beeste C2/3
16 Sep
-
50,84
1,51
Bevrore Hoender
16 Sep
-
31,02
-0,01
Bokkies (onder 30 kg)
16 Sep
-
75,48
18,07
Bokooie
16 Sep
-
45,78
3,28
Groot (meer as 40 kg)
16 Sep
-
44,01
5,77
Hoender (IQF)
16 Sep
-
30,23
0,48
Medium (30-40kg)
16 Sep
-
53,08
10,03
Pork Average
16 Sep
-
27,22
-0,34
Poultry Average
16 Sep
-
31,03
-0,15
Skaap A2/3
16 Sep
-
95,57
2,81
Skaap AB2/3
16 Sep
-
86
2,91
Skaap B2/3
16 Sep
-
79,77
0,66
Skaap C2/3
16 Sep
-
75,06
0,47
Speenkalf
16 Sep
-
37,59
-0,66
Spekvarke
16 Sep
-
27,98
-0,75
Stoorlammers
16 Sep
-
43,3
0,38
Varkwors
16 Sep
-
22,4
-0,17
Vars Hoender
16 Sep
-
31,83
-0,92
Vleisvarke
16 Sep
-
27,17
-0,28

Agri Oos-Kaap pak bul by horings met eie naspeurstelsel

akkreditasie
0:00
play article
Intekenare kan na hierdie artikel luister
Die oorplaatjies is beskikbaar as visuele identifikasie-oorplaatjies of ’n kombinasie van visuele en elektroniese identifikasie-oorplaatjies soos gesien aan dié Boerbok. Die oorplaatjies is vir bokke, skape en beeste beskikbaar.  Foto: Fredalette Uys
Die oorplaatjies is beskikbaar as visuele identifikasie-oorplaatjies of ’n kombinasie van visuele en elektroniese identifikasie-oorplaatjies soos gesien aan dié Boerbok. Die oorplaatjies is vir bokke, skape en beeste beskikbaar. Foto: Fredalette Uys
Agri Oos-Kaap het besluit om sy eie naspeurstelsel bekend te stel terwyl die bedryf nog op die regering wag.

Met die regering wat voete sleep met die lewendehawe-identifikasie- en naspeurstelsel (LITS) het Agri Oos-Kaap besluit om in te spring om sy eie platform bekend te stel.

Agri Oos-Kaap het sy naspeurstelsel op die been gebring met die doel om diere “van die plaas tot by die vurk” na te kan spoor en as oplossing vir die huidige biosekerheidsrisiko vir die uitbrekings van siektes soos bek-en-klouseer. Die platform is tydens die Bathurst-landbouskou bekend gestel.

“Dit is tot voordeel van die boere en die hoofdoel is om te voorkom dat produksie tydens uitbrekings tot stilstand kom. As bek-en-klouseer nou in die Oos-Kaap uitbreek, sal ons alles moet toemaak, diere in kwarantyn plaas en veilings opskort. Dit sal ’n reuse-impak op boere hê,” sê mnr. Günther Pretorius, bestuurder van hulpbronne en ekonomie by Agri Oos-Kaap

Die stelsel bestaan uit ’n webgebaseerde platform, waar boere hul eie profiel kan skep om hul vee daarop te registreer. As deel van die stelsel word diere geïdentifiseer deur ’n unieke nommer gekoppel aan ’n QR-kode wat aan die diere toegewys is op elektroniese of visuele oorplaatjies. Die oorplaatjies word deur Agri Oos-Kaap beskikbaar gestel en die platform is saamgestel met die samewerking van Codeflux, ’n maatskappy wat onder meer saam met Volkswagen werk.

Pretorius sê die naspeurstelsel is noodsaaklik in die Oos-Kaap aangesien die provinsie die grootste aantal vee en ook die grootste kommunale gebied het. Hoewel die kommunale vee nog ’n kwessie is, sal dit moontlik wees om ’n munisipale gebied of een persoon wat in beheer sal wees van verskeie boere, daarop te registreer. Die stelsel sal tot voordeel wees vir Agri Oos-Kaap wanneer hy munisipaliteite aanvat wat nie rondlopervee in toom hou nie.

Sodra die oorplaatjies op die webplatform gelaai en die diere se inligting vasgevang word, kan die plaatjies aan ’n plaas toegewys of tussen plase, veilingshuise, voerkrale en slaghuise oorgedra word om só te verseker dat die diere se bewegingsgeskiedenis vasgevang word. Die nommers op die oorplaatjies word dan deur Agri Oos-Kaap aan die boer se naam gekoppel. Daardeur kan die oordraggeskiedenis van die dier op die webblad gelaai word saam met die nodige seksie 6- of seksie 8-dokumente.

Die toekomstige planne vir die stelsel is dat verbruikers uiteindelik danksy die stelsel die QR-kodes op ’n pakkie vleis in die winkel kan skandeer, “sodat hulle kan sien die stuk biefstuk het byvoorbeeld by Jansenville op ’n plaas geloop, waarna dit in Gqeberha in ’n slaghuis was voor dit op die winkelrak beland het”, verduidelik Pretorius. Die opsie is egter nog nie beskikbaar nie.

Wat benodig jy

Agri Oos-Kaap stel visuele oorplaatjies (VID of “visual identification”), asook ’n kombinasie van VID en elektroniese oorplaatjies (EID of “electronic identification”) beskikbaar vir skape, bokke en beeste. Boere hoef geen bykomende toerusting aan te skaf om die stelsel te gebruik nie, aangesien die data met die hand ingevoer kan word, maar ’n EID-leser sal die proses vergemaklik.

Boere kan die oorplaatjies gebruik vir hul eie data-insameling in die kudde, en die oorplaatjies se inligting kan op ander platforms gebruik word. Die elektroniese plaatjies kan hergebruik word. Die stelsel is gratis en boere hoef slegs vir die oorplaatjies te betaal.

Die stelsel sal ook na ander provinsies uitgebrei kan word, sê Pretorius, en die doelstelling is dat dit uiteindelik as ’n nasionale platform deur Agri SA gebruik kan word.

“Ek glo boere sal binne die volgende drie jaar nie meer ’n bees kan verkoop sonder ’n naspeurstelsel nie.”

Hy glo dat Suid-Afrikaanse veeboere binnekort gedwing sal word om stappe te doen om naspeurbaarheid te verseker as hulle aan die internasionale mark wil deelneem.

Die stelsel is ook só ontwerp dat, as Suid-Afrika se LITS-stelsel uiteindelik op die been sal kom, dit daarby integreer sal kan word.

Kontak Pretorius by 041 363 1890 of gunther.pretorius@agriec.co.za vir navrae en die koste van die plaatjies.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons geklassifiseerde advertensies en plaas jou advertensie in Landbouweekblad én aanlyn. Vind ook vinnig en maklik die produk waarna jy soek!

Sien meer
Rand - Dollar
17.96
+0.6%
Rand - Pond
19.31
+0.1%
Rand - Euro
17.25
+0.7%
Rand - Aus dollar
11.59
+0.7%
Rand - Jen
0.12
+0.8%
Goud
1,636.08
+0.8%
Silwer
18.65
+1.6%
Palladium
2,099.50
+2.8%
Platinum
860.50
+0.9%
Brent-ruolie
84.06
-2.5%
Top-40
57,493
+0.4%
Alle aandele
63,920
+0.5%
Hulpbronne 10
56,826
+1.1%
Industriële 25
79,145
-0.5%
Finansiële 15
14,200
+1.6%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Soek n maatjie
Ek is afgetree in Kleinmond en soek iemand om dinge mee te deel. Ek speel tennis en gholf en hou van langs die see stap en waardeer die eenvoudige klein dingetjies wat saak maak
"Kom ons skryf ons eie roman."
Ek is n baie positiewe mens met n hart van goud. Ek het n passie vir mense en hou daarvan om nuwe mense te ontmoet. Ek staan uit vir wat ek in glo. Ek geniet die buitelig lewe ....
Vind jou perfekte maat nou!
Ek is 'n:
Op soek na:
Ouderdomsgroep: tot