Ongesteriliseerde beenmeel is tradisioneel in Suid-Afrika as die enigste organiese fosfaatbron aan weidende herkouers gevoer met die doel om fosfaattekorte aan te pak.
Dit was suksesvol wat diereproduksie betref, maar verskeie siektes het begin voorkom. Bakterieë, soos Salmonella en Bacillus anthracis (wat miltsiekte veroorsaak), het begin voorkom.
Gevolglik is ’n steriliseringsproses met stoom ingestel. Selfs met sterilisering is die gebruik van vleis- en beenmeel vir veevoeding steeds in die Europese Unie verbied. Die biobeskikbaarheid van fosfor in beenmeel kan baie wisselvallig wees (50-80%).
