’n Voermengsel wat deur Valorex in Frankryk geproduseer word, kan ’n bees se produksie van metaangas met tot 64% verminder. Die maatskappy sê die mengsel van mielies, sojabone, lupiene en lynsaad lei ook tot beter melkproduksie en minder veeartskoste.
Beeste dra sowat 5% by tot Frankryk se totale kweekhuisgasvrystelling. Luidens ’n berig op News24.com word grasvretende plaasdiere gereeld oorgesien as ’n bydraer tot aardverwarming, terwyl hulle metaan – ’n gas wat twee dosyn keer doeltreffender is as koolstofdioksied om solarhitte vas te vang – vrystel.
In ’n poging om kweekhuisgasvrystelling in dié land te verminder, het die maatskappy aan melkboere die geleentheid gebied om €100 te verdien vir elke ton gas wat nié vrystel word nie.
‘Bleu-Blanc-Coeur’-projek
Dié inisiatief vorm deel van die maatskappy se ‘‘Bleu-Blanc-Coeur’’ (blou-wit-hart)-projek, wat die gebruik bevorder van kossoorte wat hoë vlakke van die waardevolle Omega3-proteïen bevat,.
Die krediete wat boere deur middel van die inisiatief opbou, kan nie op die Europese koolstofmark, waarvan die waarde onlangs getuimel het tot slegs ’n paar euros per ton, gebruik word nie. Mnr. Pierre Weill, hoof van Valorex, sê die krediete sal verruil kan word vir produkte van maatskappye wat deel vorm van die projek.
Deur middel van die projek is 8 365 ton se kweekhuisgasvrystelling al voorkom. Frankryk het sowat 72 000 melkprodusente, waarvan sowat 500 al by die projek aangesluit het en aan streng maatreëls moet voldoen.
Bron: News24.com
