Die klem was waar dit behoort te wees: op praktiese maniere om metaangas in die melk- en vleisbedryf te beperk.
Aan redenasies en bespiegelinge oor die bydrae van die verskillende sektore tot kweekhuisgasse en lugbesoedeling wat tot klimaatsverandering lei, is daar geensins ’n tekort nie.
Só word die veebedryf dikwels gekritiseer vir sy kweekhuisgasvrystelling en gevolglike bydrae tot klimaatsverandering, veral deur drukgroepe wat probeer wegbeweeg van diereprodukte as voedselbron vir mense. Terselfdertyd is daar heelwat pessimisme oor die verbranding van steenkool wat koolsuurgas vrystel.
