In Desember is 91 gevalle van veesiektes in Suid-Afrika deur veeartse aangemeld, sê dr. Faffa Malan, sameroeper van die die veegesondheid- en produksiegroep (VGPG) van die Suid-Afrikaanse Veterinêre Vereniging.
Malan stel elke maand ‘n omvattende verslag saam oor die voorkoms van veesiektes in Suid-Afrika, wat met kaarte geïllustreer is. Dis deel van sy taak as sameroeper van die VGPG-groep.
Volgens Malan kan die weer ’n groot rol in veegesondheid speel, soos aangedui deur die ernstige voorkoms van haakwurms in gebiede waar die goeie neerslae geval het. “Boere behoort hul vee nou gereeld te monitor vir siektetekens, diarree en massaverlies. Bevestig met jou veearts watter ontwurmmiddels jy kan daarvoor gebruik.”
Volgens Malan gedy bosluise ook in warm en vogtige toestande. “Kyk na die aangehegte kaarte om te sien hoe die voorkoms van verskeie soorte bosluise toegeneem het.”
Die volledige verslag vir Desember is in die PDF-dokument hieronder aangeheg, so ook die kaarte van die voorkoms van veesiektes.
Sien ook die verslae vir Januarie, Februarie, Maart, April, Mei, Junie, Julie, Augustus, September en Oktober en November.
