Dié week gesels ons oor die minder bekende nie-gras- en breëblaarspesies wat bydra tot ’n verbysterende diversiteit wat bedoel is om nie net weidende diere gesond te hou nie, maar ook die natuur sy veerkragtigheid te gee.
Grasse is oor dekades as die hoofweidingsgewas beskou. Dit is grootliks waar, en ook met reg. Grasvelde soos ons dit nou ken, bestaan hoofsaaklik uit gras, maar ook verskeie nie-grasspesies.
Dit is ook juis omdat die meeste van ons natuurlike weiding gras is, dat byna alle navorsing oor weidingsbestuur en -voedingswaarde amper eksklusief op gras gedoen is.
