Die hoeveelheid en funksionaliteit van mikrobegemeenskappe word veral deur grondsuurheid (pH), maar ook reënval en temperatuur beïnvloed. Dít maak die biome kwesbaar vir veranderinge in reën en temperatuur wat met klimaatsverandering geassosieer word, veral in die lig van die feit dat aardverwarming in Afrika vinniger plaasvind as in die res van die wêreld.
Prof. Don Cowan van die sentrum vir mikrobiese ekologie en genomika by die Universiteit van Pretoria, het op die wêreldkonferensie oor grondbiodiversiteit in Dublin, Ierland, gesê ’n model wat hulle opgestel het om die uitwerking van klimaat op grondmikrobeverskeidenheid te voorspel, toon dat lande soos Kenia en Benin op verskillende maniere geraak gaan word.
“Die grondmikrobeverskeidenheid in Kenia gaan gaan nadelig geraak word deur hoër temperature en laer reënval, terwyl hoër jaarlikse reënval tot voordeel van swambiodiversiteit in Benin sal wees.”
