Promosie-artikel:
Volgens die Verenigde Nasies se voedselorganisasie (FAO) sal die wêreld teen 2050 60% meer voedsel moet produseer aangesien die wêreldbevolking na verwagting tot nege miljard sal groei.
“Dié evolusie verteenwoordig geweldige uitdagings en geleenthede vir die Midde-Ooste en Afrika, wat die wêreld se voorste ontwikkelende markte vir landboubedrywighede is,” sê mnr. Marco Raimondo, Case IH se nuwe besigheidsdirekteur vir Afrika en die Midde-Ooste. Die maatskappy het “sterk posisies in Suid-Afrika en in ander lande soos Algerië, Kenia, Mosambiek en Zimbabwe. Ons bereik ook belangrike resultate in die Midde-Ooste,” sê hy.
Afrika-lande verskil baie van mekaar en daar is lande met groot boere en korporatiewe boerderybedrywighede wat staat maak op die sterkste masjinerie en gevorderde tegnologie, terwyl ander lande in die vroeë stadium van meganisasie is, voeg hy by. Die Midde-Ooste het sy eie uitdagings en is een van die droogste gebiede in die wêreld, dus belê lande daar al hoe meer in oorsese landbou om sodoende hul eie bevolkings te voed. Case IH bied ’n breë spektrum landboumasjinerie en groot netwerk handelaars en tergniese ondersteuning.
Middle East. “Op die trekker-front is eenhede onder 100 perdekrag nog steeds die belangrikste segment in terme van volumes, maar daar is groeiende neigings vir groot trekkers ook,” sê Raimondo. In 2014 was meer as 30% van die stropers wat in Suid-Afrika verkoop is deur CaseIH verteenwoordig. Die maatskappy speel ook ’n belangrike rol waar grootskaalse en korporatiewe plase besigheid doen, soos in Senegal, Soedan, Ethiopië en Sierra Leone, verduidelik hy.
