Case IH se basiese en gevorderde opleidingsessies is onlangs op Delmas gehou en meer as 50 handelaars en verkoopspersoneel het gespesialiseerde opleiding ontvang.
“Ons ingenieurs streef na ’n ontwerp wat topproduksie ondersteun, maar dis ook kragtig, eenvoudig en maklik om te hanteer,” aldus mnr. George Landerl, die kommersiële instrukteur vir Europa, die Midde-Ooste en Afrika (EMEA). “Ons verkoopspersoneel moet oor die regte kundigheid beskik om ons kliënte die beste ondersteuning te gee met hul keuses. Want by Case IH lê ons wêreldwyd sterk klem op optimale kliëntediens.”
Die klem is op ’n aantreklike vermenging van teorie en praktyk, verduidelik Landerl. Dis hoekom die opleidingsessies ’n teoretiese gedeelte insluit, uiteensettings van die voordele van die Case IH Axial-Flow vergeleke met ander stelsels, en oefeninge om die optimale instellings vir verskillende gewasse en omstandighede te verkry. “Ons sluit hierna ook ’n praktiese opleidingsessie op die masjien self in. Ons kry gereeld postiewe terugvoer van ons kliënte oor ons verkoopspersoneel se vaardighede wat daartoe bydra dat hulle in Case IH-masjinerie belê.”
Die volgende opleidingsessie in die EMEA-area sal tussen die einde van Mei en middel-Junie in Spanje plaasvind, en talle belangstellendes het reeds plek hiervoor bespreek, sê Landerl.
In hul terugvoer het mense wat aan die opleidingsessies deelgeneem het, dikwels die talle voordele van hierdie kursusse uitgelig. “Ons het ook ’n geleentheid vir kliënte op Delmas aangebied, en die feit dat 'n hele paar van ons masjinerie tydens die geleentheid verkoop is, spreek boekdele van ons personeel se kundigheid en vermoëns,” sê Landerl.
Byskrif: Case-IH-Axial-Flow-7230-&-Puma-CVX. Foto: VERSKAF
