Promosie-artikel:
New Holland Suid Afrika (NHSA) neem weer die voortou tydens Nampo 2014, en pronk as landbouvennoot met sy uitstalling van ’n vol reeks landboutoerusting. Die reeks sluit in New Holland-trekkers, stropers, balers, skyfsnymasjiene, kneusers, kerwers, harke, Miller-spuite, Camara-strooiers, Santa Isabel-disse en ’n volledige reeks Gaspardo-werktuie en planters.
Kyk net vir die groot wit New Holland-ballon in die lug en kom kuier by die New Holland-standplaas nr. 52. NHSA spog met 'n volledige reeks New Holland-klerasie, modeltrekkers en speelgoed wat op sy standplaas te koop aangebied word. Kom kyk ook na teverede New Holland-kliënte se terugvoer en werkverrigting van hul masjinerie op groot skerms.
Spesiale aanbiedings
Verskeie spesiale aanbiedings sal op geselekteerde toerusting tydens Nampo aangebied word. NHSA sal sy volledige reeks hooimaaktoerusting uitstal wat harke, ronde- en vierkant-balers, snymasjiene, snyerkneusers en sleeptipe- kuilvoerstropers insluit . ’n Praktiese demonstrasie sal deel wees van die uitstalling. New Holland se immergewilde CR- stropers sal ook op die uitstalling wees vir die fynproewer wat graan van gehalte teen hoë kapasiteit wil stroop. Kom kyk gerus na die “Varifeed”-koringtfafels wat in verskeie wydtes maksimum doeltreffendheid bied in oneweredige koringopbrengs. Geringhoff-plukkerkoppe is in enige rywydte beskikbaar en kan ook vir enige fabrikaat stroper bestel word deur NHSA.
New Holland bied ’n trekkerreeks vanaf 26 kilowatt tot 447 kilowatt wat ten toon gestel gaan word met verskeie spesifikasievlakke doelgemaak vir die Suid Afrikaanse boer. Die reeks begin by die TDF-reeks kompaktrekkers vir wingerde en boorde en is beskikbaar vanaf 48 kW tot 59 kW. Kom besigtig ook talle ander opwindende reekse.
Standaardtoerusting op New Holland se groot trekkers is ten volle geïntegreerde satelliet-stuurstelsels, naamlik PLM (precision land management). NHSA het ’n afdeling wat die stelsels rugsteun en ook Trimble-stelsels bemark. Hierdie afdeling sal toerusting ten toon stel en ook prakties op New Holland-masjinerie tydens die skou demonstreer. Kom vind ook uit van die unieke en kostedoeltreffende RTX-sein wat sonder ’n basisstasie 3,8 cm akkuraatheid kan gee deur die New Holland-standaardstelsels wat op die trekkers is.
Laat NHSA toe om die ideale transaksie tydens Nampo vir u saam te stel deur middel van CNH Capital wat rentekoerse van tot prima minus 5% op sekere New Holland-trekkers, en prima minus 3% op New Holland-stropers tydens finansiering kan bied.
