'n Unieke, dog eenvoudige waterverwarmer, bekend as die Blitzwaterverwarmer,
is deur mnr. Coen Marais van Masakhane-ondernemings in Somerset-Wes ontwikkel.
Met dié waterverwarmer kan een persoon elke dag vir 'n maand lank stort teen 'n minimale elektriese kragverbruik wat minder as R1,40 per maand beloop. Dit is ideaal waar werkers vinnig na werk wil stort, of selfs vir kampeerders. Daar moet net water onder druk en elektriese krag beskikbaar wees.
Marais sê dié toestel bestaan uit die dop van 'n gewone polivinielchloriedpyp (PVCpyp) van 400 mm lank en 'n deursnee van 80 mm. Die twee openinge aan weerskante is elk met 'n prop van PVC geseël. Water
word verskaf met 'n tuinslang wat gekoppel is aan 'nkraan. Die inkomende watertoevoer word met 'n kraan by die toestel vir hitte gereguleer. Die watertoevoer moet minstes 100 kPa wees. Binne-in die PVCpyp is 'n element van 3 kW in 'n koperomhulsel, wat aan 'n gewone 220 volt kragprop gekoppel is en met 'n skakelaar aan en
af geskakel word. Die element is bedek met isolasiemateriaalwat voorkomdat die PVCpyp-
omhulsel nie te warmword nie.
Nadat die water verby die element gevloei en verhit is, word dit deur middel van 'n plastiekpyp van sowat driemeter lank en wat 'n spesiale spuitkop aan die einde het, uitgespuit waarmee 'n persoon kan stort.
Die spuitkop versprei die water egalig.
Min water is nodig onder druk. Omdat krag-energie se omskakeling in hitte 'n verskil van 14,3°C aan een liter water per minuut maak, kan die 3 kW elke minuut een liter vanaf 0°C tot sowat 42°C verhit - wat
selfs in koue weer warm genoeg is.
Marais sê die water verhit binne agt sekondes en die hitte waarteen gestort word,
word gereguleer met die toevoerkraan by die toestel. Hoe groter oop dit is, hoe meer water vloei deur en hoe koeler is die water en andersom. Hy het bereken dat as 'n mens twee minute lank op 'n dag stort, beloop die
koste sowat 4,6c per dag, oftewel 2,3c per minuut - bereken teen plaaslike kragpryse (kategorie 2). As die som verder gemaak word, kan een mens wat twee minute per dag stort, elke dag van die maand stort en
die elektriese koste daaraan sal sowat R1,40 beloop.
Die stort kan natuurlik ook aaneenlopend gebruik word as 'n hele klomp mense na mekaar wil stort teen 'n koste van 2,3c/ minuut. Die pyp met die spuitkop aan, is spesiaal so lank dat 'n mens selfs op 'n stoel
kan sit en stort.Die toestel kan teen 'n muur of aan 'n boom gehang of plat op die grond geplaas word.
Marais sê hy gebruik al sy eerste protomodel sewe jaar lank sonder enige probleme.
Wat dit so uniekmaak, is dat die toestel met net een skakelaar werk en feitlik onderhoudsvry is. Hy het reeds die toestel gepatenteer, en bemark dit teen R560 plus BTW.
Landbouweekblad, 26 Oktober 2007
