Dié model het boonop die Goue Trekker Ontwerp-toekenning ontvang en is dit ook benoem in die kategorie vir beste spesialistrekker.
Die MF 8690 is deur 'n paneel van 20 joernaliste van toonaangewende landboupublikasies in Europa as die wenner aangewys. Die MF 8690 van 276 kW is die wêreld se kragtigste konvensionele vierwiel-aangedrewe trekker en dit is toegerus met dinamiese toerusting om aan besoedelingsvereistes na te kom.
In 'n nuusverklaring sê mnr. Richard Markwell, besturende direkteur van Massey Ferguson in Europa, Afrika en die Midde-Ooste, dat dié toekenning bevestig dat dié vervaardiger die beste en omvattendste toerusting nóg aanbied.
Dié toekennings kon nie op 'n beter tydstip gebeur het nie, aangesien MF vanjaar sy 50ste bestaansjaar herdenk.
Klik hier vir foto's.
17 November 2008
