Suid-Afrika se voertuigverkoopsyfers vir Maart is weereens aansienlik laer as vir dieselfde maand verlede jaar, maar daar is tóg aanduidings dat die afplatting besig is om sywaarts te beweeg.
Die Nasionale Vereniging van Voertuigvervaardigers van Suid-Afrika (NAAMSA) sê 36 331 nuwe voertuie is in Maart van die hand gesit waarvan die oorgrote meerderheid passasiersvoertuie was, naamlik 23 363. Altesame 11 315 was ligte handelsvoertuie terwyl 672 medium handelsvoertuie en 1 006 swaar vragmotors en busse verkoop is. Maart se verkoopsyfer is 30% laer as vir die ooreenstemmende maand verlede jaar.
Dr. Johan van Zyl, voorsitter en uitvoerende hoof van Toyota Suid-Afrika, sê Maart was die derde agtereenvolgende maand waarin 'n relatief konstante verkoopspatroon ervaar word hoewel dit gebeur het in 'n mark wat 30% laer is as in dieselfde maande in 2008 en 34% laer is vit die jaar tot op datum.
7 April 2009
