En gewoonlik moet dit op teësinnige mense afgedwing word word deur instellings van die staat, soos die polisie en howe, of deur algemene druk vanuit die samelewing.
Die onlangse onluste op Kirkwood is ’n voorbeeld van wat gebeur as reëls nie meer geld nie. Die voorspelbare gevolg is chaos. In die geval van Kirkwood kom die chaos teen die baie duidelik koste van R170 miljoen — R70 miljoen se skade aan eiendom, infrastruktuur en pakhuise, en nog R100 miljoen se uitvoervrugte wat vernietig is.
Dit is om van te huil, veral in ’n jaar dat boere reeds gebuk gaan onder die finansiële druk van verskepingskoste wat amper verdubbel het, insetkoste wat met dubbelsyfers gestyg het, en uiters problematiese uitvoer deur hawens, wat verdere koste teweegbring.
