Die Ankole-bul Cumulus NANK 10-120 het die hoogste prys van R1 650 000 op die nasionale Ankole-veiling behaal. Op die foto is die verkoper, Daniel Naudé van Yonder Hill Wine Farm, Stellenbosch, saam met sy gesin, Caren, Benjamin en Ella, voor ’n foto van Cumulus. Foto: Charl van Rooyen
Die Ankole-bul Cumulus NANK 10-120 het die hoogste prys van R1 650 000 op die nasionale Ankole-veiling naby Bela-Bela in Limpopo behaal.
Mnr. Daniel Naudé van Yonder Hill Wine Farm, Stellenbosch, was die verkoper. Die aanlynkoper se naam is nie bekend gemaak nie.
Die veiling is op die wildplaas Phala Phala van pres. Cyril Ramaphosa aangebied maar hy het nie die veiling fisiek bygewoon nie.
'n Suid-Afrikaanse rekordprys van R950 000 is vir 'n Ankole-vers van dr. Morné de la Rey van Brits betaal. Hy het ook ’n nasionale rekordprys van R340 000 vir 'n dragtige vers ontvang. Die kopers is nie bekend gemaak nie.
Die totale omset van die veiling was R20,5 miljoen. Die veiling is deur Veilingswinkel aangebied.
