Dit is ontwerp om tot 550 kg sagteprodukte in plastiek- of houtbakke op te lig en laat dit geleidelik op die vervoerband los, pleks daarvan om dit alles in ’n enkele, vinnige en potensieel skadelike manier uit die bakke te gooi.
’n Borselrem versag verder die produkte se toevoer tot die paklyn. Sensors op die kantelaar reguleer outomaties die kantelspoed om aan te pas by hoe vinnig die paklyn stroomaf leeggemaak word.
Die kantelaar het ook ’n ingeboude veiligheidstelsel wat ’n kantelaksie outomaties stop indien ’n mens of enigiets anders die kantelaar se inlaatruimte betree.
