Dit kan binne en buite gebruik word, en jy kan lig- en handgereedskap na verskillende plekke op jou plaas neem sonder dat dit aan ’n kragpunt gekoppel hoef te wees.
Die ligwaentjie kan met ’n 5 kVA-kragopwekker, asook ’n 5 kWh-litiumbattery en omskakelaar met sonpanele toegerus word. ’n Omskakelaar en battery is op die waentjie geïnstalleer in ’n verseëlde metaalhouer met ’n skerm wat die kragvlak aandui. Die laaier het beskerming teen oorlading.
Die waentjies is duursaam en die sonpanele, battery, omskakelaar en kragopwekker kan vibrasie deurstaan sodat die waentjie oor rowwe terrein vervoer kan word. Die waentjie is uiters geskik vir wanneer tydelike beligting en/of elektrisiteit vir lang tydperke nodig is, sonder dat kabels gekoop hoef te word.
