“Meer as 70% van Saoedi-Arabië se varswaterbronne word vir landboudoeleindes gebruik. Grondwaterakwifere voorsien 90% van besproeiingswater, en word in die pro- ses onherroeplik uitgeput,” het dr. Kennedy Odokonyero van die Koning Abdulla-universiteit van wetenskap en tegnologie (KAUST) in dié land luidens ’n verklaring op ScienceDaily.com gesê.
Hy sê dit is nie volhoubaar om plastiekvelle om plante in droë gebiede te plaas om verdamping te keer nie, want dit dra weldra tot ’n rommelprobleem by.
Odokonyero is egter opgewonde oor SandX, ’n soort superhidrofobiese sand wat in 2016 deur prof. Himanshu Mishra, hoof van die navorsingspan by KAUST, bekend gestel is. Die produk bestaan uit korrels sand of sanderige grond wat met ’n nanodun lagie paraffienwas omhul word.
