Ná drie jaar van droogte lyk die appel-opbrengs by die Bokmakierie-boerdery naby Krakeelrivier in die Langkloof in die Oos-Kaap weer meer na normaal, sê die eienaar, mnr. Riaan Strydom.
’n Ander konstante bron van kommer is hael, wat vanjaar ’n deel van die kloof se oes geraak het. “As jy die vrugte pluk wat vry van skade is, doen dit almal se gemoed goed, van die plukker tot die pakker wat die vrugte in kartonhouers vir die uitvoermark pak.
Dit is nie lekker om met ’n haelvrug of ’n klein vrug weens die droogte te werk nie.”
