AFGRI
BEAN
03 Feb
-
9686,4
86,40
CORN
03 Feb
-
4500
-52,00
SOYA
03 Feb
-
8630
-17,00
SUNS
03 Feb
-
11093
-268,00
WEAT
03 Feb
-
6700
-28,00
WMAZ
03 Feb
-
4260
-27,00
YMAZ
03 Feb
-
4394
-27,00

Aussie-wynmaker se planne in SA

Suid-Afrika se grootste wynmaatskappy, Distell, het verras met die aanstelling van 'n Australiër as die hoof van sy wynmaakspan. JACQUES CLAASSEN het met hom gaan kennis maak.

Suid-Afrika se

grootste wynmaatskappy, Distell, het verras met die aanstelling van 'n

Australiër as die hoof van sy wynmaakspan. JACQUES CLAASSEN het met hom gaan

kennis maak.

Anders as in 'n sekere Europese land waar die meeste wynmakers

meer ingestel is op hul middagetes en hul subsidies, is die Suid-Afrikaanse

wynmakers meestal hardwerkend en toegewyd. Só sê die Australiër mnr. Linley

Schultz, Distell se nuwe groep-wynmaker en hoof van dié maatskappy se 25

wynmakers.

"Die meeste plaaslike wynmakers het 'n deeglike algemene kennis,

is goed opgelei en berese, terwyl hulle ook ontvanklik vir nuwe idees is. Boonop

is hulle baie ingestel op deeglike wingerdbou - wat 'n goeie ding is."

Hy sê

dit is in 'n sekere opsig 'n voordeel dat Suid-Afrika se wyndruiwe nog grootliks

met die hand gepluk word. Wanneer die weer tot skimmel of vrot in die

wyndruifoes lei, kan net die goeie trosse gepluk word. "In Australië, Frankryk

of Kalifornië, waar bykans alle wyndruiwe meganies geoes word, is dit nie

moontlik om besmette trosse in die wingerde agter te laat nie."

Op 37-jarige

ouderdom het mnr. Schultz, wat voorheen vir die Australiese groep BRL Hardy

gewerk het, al heelwat ondervinding opgedoen van internasionale markte en die

ontwikkeling van internasionale handelsname, waaronder Banrock Station.

Hy

reken talle wynmakerye (insluitend Distell) het nog nie genoeg oor hul

portefeulje van kultivars nagedink nie. Hy wys byvoorbeeld daarop dat die Two

Oceans-reeks uit 'n Cape Red, 'n Cape White, 'n Sémillon-Chardonnay-versnit, 'n

Sauvignon blanc, 'n Cabernet-Merlot-versnit en 'n Pinotage bestaan. "Distell

benadeel homself deur nie ook 'n Chardonnay as 'n enkelkultivar en 'n Shiraz by

dié reeks in te sluit nie.

"Chardonnay bly die gewildste kultivar ter wêreld.

Ondanks die feit dat baie mense alles behalwe Chardonnay wil drink, neem die

vraag daarna nie af nie. Suid-Afrika het meer daarvan nodig. Persentasiegewys

het Suid-Afrika steeds minder Chardonnay as ander lande, terwyl meer Sauvignon

blanc ook voordelig sou wees.

"Op sy beurt geniet Shiraz groot en groeiende

internasionale verbruikersteun, terwyl baie min lande Shiraz-wyne maak. Italië,

Frankryk en Amerika is die wêreld se grootste wynprodusente, maar net Frankryk

verbou Shiraz. Daarbenewens is dit net Australië wat 'n beduidende hoeveelheid

Shiraz kweek en die Britse verbruikers reeds daaraan gewoond gemaak het.

Kalifornië en Suid-Afrika verbou heelwat minder Shiraz. Tog is baie van die

Kaapse weergawes daarvan gewild in die buiteland.

"Cabernet is internasionaal

die naasgewildste kultivar, gevolg deur Cabernet-gebaseerde versnitte. Gelukkig

is daar dele van die Kaap wat besonder geskik is vir die verbouing van puik

Cabernet-druiwe."

Wat Suid-Afrika se aspoesterkultivar, Chenin blanc, betref,

meen mnr. Schultz boere sal voortgaan om dié wingerde uit te kap. " 'n Klein

persentasie Chenin blanc-wyne is sonder twyfel uitstekend, maar die meeste

Chenin is gemiddelde tafelwyn wat nie vir die internasionale mark geskik is

nie.

"Daarmee sê ek nie dit is onmoontlik om meer met dié kultivar te vermag

nie. àl wat ek sê, is dat die publiek wéét wat hy van Australiese Chardonnay kan

verwag, maar dat dieselfde nie van Suid-Afrikaanse Chenin gesê kan word nie.

Chenin se gehalte is nog te wisselvallig."

Mnr. Schultz glo ook Suid-Afrika

moet soveel moontlik uit sy enigste inheemse kultivar, Pinotage, probeer haal.

Hy glo dat die goeie Pinotage wat gemaak word, baie goed is, maar dat daar nog

hopeloos te veel gemiddelde Pinotage is. "Pinotage sal nie op die kort termyn 'n

wêreldtreffer word nie. Vanweë sy kenmerkende eienskappe hou mense daarvan, óf

glad nie."

Dié kultivar is veral in Brittanje en in 'n mindere mate in

Duitsland en die Benelux-lande bekend, maar in die res van die wêreld verg dit

nog heelwat bemarking.

Wat rooi wyn betref, verkies mnr. Schultz Shiraz,

Cabernet Sauvignon en Petit Verdot, terwyl hy aan die wit kant 'n voorliefde vir

Chardonnay, Sauvignon blanc, Sémillon en Riesling het.

Mnr. Schultz sê hy

verkies 'n wyn waarvan die pH waarskynlik laer is as dié van Suid-Afrikaanse

wyne in die algemeen. Hy hou van 'n rooi wyn met 'n pH nie hoër as 3,6 nie

(hoewel Pinotage 'n uitsondering is) en waarvan die suur goed gebalanseer is.

"Hoe laer die pH, hoe beter is die rooi kleur en hoe hoër die pH, hoe blouer is

die wyn. Sodra die pH daal, styg die suur."

Om vir internasionale

verbruikersvoorkeure voorsiening te maak, is dit een van sy vernaamste take om

die kultivarsamestelling van Distell se wingerde te bepaal, sowel as dié van die

boere wat aan hom verskaf.

Hy is bemoedig deur die wêreldklas-praktyke van

baie van Distell se wingerdboere, sowel as hul ontvanklikheid vir nuwe metodes

om standaarde te verbeter. 'n Fyn balans sal egter gehandhaaf moet word tussen

'n aanvaarbare opbrengs, gehalte en die uiteindelike prys van 'n wyn.

"Om

opbrengs te beperk, beteken nie altyd dat gehalte verbeter word nie. In sommige

gevalle maak die beperking van opbrengs geen merkbare verskil aan die gehalte

nie, terwyl dit bloot die produksiekoste opstoot," reken mnr.

Schultz.

Besproeiing
Hoewel wingerde eerder in die warmer wyndruifgebiede

besproei word, wys mnr. Schultz daarop dat selfs die koeler streke soms

droogtetye beleef en dat boere in hierdie gebiede dit moet oorweeg om wingerde

te besproei. "In sulke gevalle kan besproeiing gebruik word om wisselvallige

oeste te voorkom sonder om die wyngehalte te benadeel. Dit sal natuurlik afhang

van die grondsoort, hoeveel en hoe dikwels 'n boer besproei.

Distell tref ook

nuwe maatreëls om die druiwe te verkoel en die vrugtigheid daarvan te verhoog.

Die verkoeling van druiwe vertraag die chemiese reaksies en beperk fenoliese

verbindings. Daarbenewens hersien mnr. Schultz ook houtbehandeling en die

bottelveroudering van grootvolume-wyne.

Hy meen sommige plaaslike wyne het

tot dusver te min houtveroudering ondergaan en ander te veel. "Niemand sal die

veranderinge agterkom wat ek in dié opsig by Distell beoog nie. Dit sal

geleidelik van oesjaar tot oesjaar gedoen word. Met subtiele verandering sal ons

nie ons bestaande kliënte vervreem nie, maar terselfdertyd wil ons die wyne

verbeter om kliënte by te kry.

Mnr. Schultz wys ook daarop dat van Distell se

wyne van vier weke tot drie maande in die bottels verouder word voordat dit vir

uitvoer verskeep word. Hy meen egter dat die seereis deel van die

bottelveroudering is en dat die wyne dus gouer verskeep kan word.

"Deur

groter aandag te gee aan die behoeftes van die kleinhandelaars en verbruikers,

beplan ons om voorraadbestuur, reaksietye en algemene logistiek te verbeter.

Distell sal ook die ontwikkeling van nuwe produkte op 'n meer markgedrewe manier

hanteer. Pleks van nuwe handelsname willekeurig bekend te stel, sal ons begin om

sommige produkte vir spesifieke markte en spesifieke marksegmente te

ontwikkel."

Wynhandelsmerke verminder

Distell verklein sy portefeulje van wynetikette in 'n poging om dit internasionaal mededingender te maak.

Mnr. Linley Schultz, Distell se nuwe groepwynmaker en hoof van dié maatskappy se 25 wynmakers, ontwikkel nou 'n portefeulje van internasionale handelsname vir dié maatskappy. Dit sluit in Nederburg, Durbanville Hills, Fleur du Cap, Drostdyhof en Two Oceans. Dié handelsname word ontwik kel met die oog op sleutelmarkte wêreldwyd.

Verder is mnr. Schultz verantwoordelik vir die maatskappy se 15 eksklusiewe boetiekhandelsname, waaronder Plaisir de Merle, Lanzerac, Tukulu, Stellenzicht, Neethlingshof en JC le Roux, wat ook op die internasionale markte gemik is.

Dié strategie spruit uit die voortgesette groei in die gewildheid van Nuwe Wêreld-wyne wat na verwagting teen 2005 sowat 23 % van die wêreld-wynmark sal verteenwoordig vergeleke met 17 % in 1999.

"Distell maak nie meer wyn vir die plaaslike mark en daarna vir 'n vormlose uitvoermark nie, maar vir 'n enkele internasionale mark. Dit sluit Suid-Afrika in." Só sê me. Kim Green, die maatskappy se bemarkingsbestuurder: Wyne.

"Dit verminder nie die belangrikheid van die plaaslike mark nie, en raak ook nie Distell se trots op sy Suid-Afrikaansheid nie. Dit beteken dat ons spesifieke strategieë ontwikkel vir elke land waar ons sake doen. Ons verkies om sake te doen in lande wat lonende groeimoontlikhede inhou."

Behalwe Suid-Afrika, sal Distell hoofsaaklik fokus op Brittanje, Duitsland en Amerika, gevolg deur Ierland, Nederland, België, Denemarke, Swede en Kanada gesamentlik. In ál hierdie lande sal Distell hom toespits op die premium-sektor, waar wyne van £3 tot £5 kos, en in die superpremium-sektor, met pryse wat van £5 tot £7 wissel.

Volgens me. Green het Distell se navorsing, sowel as die waarneming van internasionale neigings, daarop gedui dat hierdie twee marksegmente die beste groeipotensiaal toon.

Die markmededinging neem steeds toe, omdat die Ou Wêreld-wynlande, soos Frankryk, terugveg teen die vordering van die wynproduserende lande van die Nuwe Wêreld.

"Dus het Suid-Afrika sterk internasionale handelsname van 'n hoë gehalte nodig met 'n wenvoorkoms en onderskeidende kenmerke. Dit moet dienooreenkomstig verpak en aangebied word, terwyl genoeg voorraad nodig is om in die vraag te voorsien."

Volgens me. Green sal die grootste persentasie van Distell se verkope van die grootvolume-handelsmerke kom. Dit word só gestruktureer om deurlopend gehaltevoorraad te kan lewer en in die internasionale mark se groeiende vraag na medium-prysklaswyne te kan voorsien.

Sy het egter beklemtoon dat die boetiekwyne vir Distell van die allergrootste belang bly vir die bevordering van sy eie beeld sowel as dié van Suid-Afrika as 'n land wat in staat is om voortreflike wyne te maak.

Me. Green sê Distell het vele bedryfsveranderinge in die produksie van sy wyne gemaak om volhoubare voorrade te kan lewer. Dit het die aanstelling van mnr. Schultz as Distell se groep-wynmaker ingesluit.

5 Julie 2002

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.13
-0.3%
Rand - Pond
21.00
-0.5%
Rand - Euro
18.73
-0.4%
Rand - Aus dollar
12.09
+0.1%
Rand - Jen
0.13
-0.4%
Platinum
1,020.54
-0.5%
Palladium
1,670.94
+0.1%
Goud
1,909.90
-0.1%
Silwer
23.44
-0.1%
Brent-ruolie
82.17
-0.8%
Top-40
73,737
+0.2%
Alle aandele
79,910
+0.1%
Hulpbronne 10
74,755
+0.1%
Industriële 25
102,895
+0.3%
Finansiële 15
16,556
+0.0%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
🎶 All we need is love
Onafhanklik, goeie waardes, sin vir humor, diere liefhebber, sagte hart. Geniet Park runs op Saterdae, beoefen skyf skiet as ook Karate. Mal oor musiek en geniet n rit op my...
Kom ons sien wat gebeur
Wel eks nie iemand wat oordeel nie. Wees jouself. Ek luister graag. Eerlik en opreg en hou nie van jok nie. [removed]
Vind jou perfekte maat nou!
Ek is 'n:
Op soek na:
Ouderdomsgroep: tot