Dit is hier waar Cabriére begin het, beduie Tim Hoek waar ons in ’n be- skeie geboutjie op die plaas Clos Cabriére staan. Hoek, die afgelope agt jaar wynmaker by Haute Cabriére, is onlangs tot keldermeester bevorder. “Dit was ’n melkstal en hier is ses tenke van 10 000 liter elk. Ek wonder of Achim von Arnim destyds sou kon raai hoe groot sy baba sou word.”
Cabriére, wat op twee plase in die Franschhoek-vallei gesetel is, is ’n sterk plaaslike wynhandelsmerk, veral bekend as die tuiste van Pierre Jourdan Cap Classique, asook die Boergondiese edelwynkultivars Pinot noir en Chardonnay.
Achim von Arnim, wie se familie van Duitse afkoms is, is in Suid-Afrika gebore en getoë en het later wynbereiding by Geisenheim in Duitsland gaan studeer. Hier het hy sy vrou, Hildegard, ’n nooi uit die Rynvallei, ontmoet. Hulle het teruggekeer Suid-Afrika toe, waar Achim op 32 as keldermeester van Boschendal aangestel is.
