'n Blos-peer met 'n kersierooi wang en miniatuur-peertjies uit Suid-Afrika behoort eersdaags
die wêreld te laat regop sit. Dit hou ook prysvoordele vir plaaslike produsente in.
Rooiblos-pere behaal uitsonderlike pryse op die wêreldmarkte
en Suid-Afrika is die toonaangewende verskaffer
daarvan.
Die ontwikkeling van nuwe peerkultivars vir die
Suid-Afrikaanse sagtervrugtebedryf is 'n tydrowende
en duur navorsingsproses. Nuwe, ingevoerde
peerkultivars is gewoonlik swak aangepas by Suid-
Afrikaanse klimaatstoestande. Om die plaaslike peerbedryf
mededingend op wêreldmarkte te hou, is dit noodsaaklik om
nuwe, unieke, klimaatsaangepaste en winsgewende kultivars
te ontwikkel.
Die peerteelprogramvan die Landbounavorsingsraad
(LNR) se Infruitec-Nietvoorbij-instituut vir Vrugte,Wingerd
En Wyn het twee rooiblos-kultivars ontwikkel, naamlik
Rosemarie en Flamingo. Hierdie kultivars is ongeveer 14 jaar
gelede aan die Suid-Afrikaanse peerbedryf beskikbaar gestel.
Hierdie twee kultivars het uitsonderlike pryse op Europesemarkte
behaal omdat Suid-Afrika van die min lande ter
wêreld is wat rooiblos-pere kan produseer.
'n Hele reeks rooiblos-peerseleksies (van vroeg tot laat ryp)
van dié LNR-teelprogramword tans verder saam met die
Sagtevrugte-produsentetrust (SPT) en sekere Suid-Afrikaanse
bemarkers geëvalueer.
Een van hierdie nuwe blos-pere is só belowend dat daar die
afgelope seisoen reeds aansoek gedoen is omplanttelersregte,
met die oog op beskikbaarstelling. Hierdie blos-peer het die
groot voordeel dat dit nie die bloskleur tydens hoë temperature
verloor nie ('n groot probleem by bestaande blos-pere).
Verder is die blos 'n baie helder kersierooi, wat die produk
besonder aantreklikmaak.
Die goeie smaak van dié rooiblos-peerseleksie ná opberging
is 'n groot verbetering op die bestaande bloskultivars, wat ná
opbergingmeestal 'n middelmatige smaak het.
Die ontwikkeling van nuwe peerkultivars met 'n prominente
rooi blos wat winsgewend verbou kan word, bly 'n voorrangsaak
binne die instituut se peerteelprogram. Die program
is wêreldwyd bekend vir die ontwikkeling van sulke pere.
Afgesien van die rooiblos-kultivars en -seleksies wat tans
binne die programontwikkel word, word daar ook verskeie
miniatuur-pere ("baba-pere") in die evaluasieboorde op die
LNR se proefplaas by Grabouw-Vyeboom ontwikkel. Wat
hierdie pere so besondersmaak, is dat dit 'n tipiese peervorm
het,maar betekenisvol kleiner as normale peerkultivars is. Nóg
'n unieke eienskap van sommige van die miniatuur-peertjies is
dat die vruggies regstreeks van die boomaf geëet kan word.
Verskeie miniatuur-peerseleksies met besonderse kleure,
soos 'n rooi blos, is reeds deur die programontwikkel. Die
LNR is tans besig om met 'n plaaslike
bemarker van vrugte te onderhandel vir
die eksklusiewe uitvoer en bemarking
van hierdie pere.
In die lig van die uniekheid en die
nismarkpotensiaal van hierdie produkte,
word voorsien dat die verpakking en
bemarking spesifieke aandag salmoet
geniet omverdere waarde tot die produk
toe te voeg.
Daar kan met sekerheid aanvaar
word dat daar slegs 'n beperkte vraag
na miniatuur-pere sal wees. Die vraag
sal egter vinnig toeneemsoos die
produkmeer bekend word en die
reeks verder vergroot word.
Miniatuur-peertjies kan onder
meer vir dekoratiewe garnering in
die restaurantbedryf gebruik word,
in die voorbereiding van nageregte
en veral as gesogte vrugte vir kleuters. Groot belangsteling
is ook uit die lugvaartbedryf ontvang, waar dit uiters
geskik kan wees vir kosbediening aan boord van vliegtuie.
'n Mensmoet aanvaar dat nog navorsing nodig sal wees
voordat hierdie miniatuur-vruggies op die rakke te sien sal
wees,maar weens die groot belangstelling daarin is daar die
afgelope seisoen aansoek gedoen omplanttelersregte op vyf
van hierdie seleksies,met die oog op beskikbaarstelling.
Daar is wêreldwyd 'n soeke na verbeterde en winsgewende
peerkultivars. Tans is daar wêreldwyd min peerkultivars wat
suksesvol gekommersialiseer word. Die feit dat daar boonop
wêreldwyd 'n oorproduksie van pere bestaan,maak dit vir
produsentemoeilik omwinsgewend te bly. Die instituut saam
met die SPT het dit juis ten doel om met die voorsiening van
nuwe, verbeterde kultivars nuwe lewe in die plaaslike peerbedryf
te blaas.
Vrugte se opbergvermoë bekyk
Die lang afstande tussen Suid-Afrikaanse produsente en
hul uitvoermarkte vereis kultivars wat 'n goeie opbergvermoë
het.
Infruitec-Nietvoorbij, die Landbounavorsingsraad se Instituut
vir Vrugte, Wingerd en Wyn, se teel- en evaluasieafdeling
het in die 2006/'07-seisoen talle vrugtemonsters
geëvalueer.
Die instituut het 'n koelkamerkompleks met verskeie
gewone koelkamers en beheerde-atmosfeerkoelkamers
asook rypmaakkamers waarin proefvrugte opgeberg word.
Die eerste vrugte word gewoonlik einde Oktober
ontvang en die laaste vrugondersoeke geskied in Augustus
van die daaropvolgende jaar. Vrugte van verskillende
gebiede en wat by verskillende grade van rypheid gepluk
is, maak die resultate meer betroubaar.
Kultivars word ook 'n paar seisoene lank ontvang om
die effek van klimaat en verbouingstoestande te evalueer.
Finale gehalte-evaluasie geskied ná 'n raklewe-tydperk.
'n Volledige reeks gehalteparameters word vir elke vrugtipe
geëvalueer. Groot klem word op die voorkoms van
interne defekte gelê, aangesien dit vertroue in plaaslike
kultivars ernstig kan benadeel.
Navorsers kan op grond van dié projek besluit of belowende
kultivars of seleksies geskik is vir beskikbaarstelling
aan die plaaslike sagtevrugtebedryf.
vir Vrugte, Wingerd en Wyn op Stellenbosch.
Landbouweekblad, 26 Oktober 2007
