Dit volg nadat hulle koolstofmonsters van as uit argeologiese uitgrawings van die prehistoriese gehuggie Tel Zaf in die Jordaanvallei ontleed het, en vasgestel het dit is afkomstig van olyfbome.
Hierdie bome kom nie natuurlik in die vallei voor nie. Volgens die navorsingspan beteken dit dus dat inwoners van die streek dit doelbewus sowat 7 000 jaar gelede daar geplant het.
Die navorsing, waarvan die bevindinge in die vaktydskrif Scientific Reports gepubliseer is, is gesamentlik deur die Universiteit van Tel Aviv in Israel en die Hebreeuse Universiteit gedoen, luidens ’n verklaring op die webwerf sciencedaily.com.
