Die Suid-Afrikaanse pruimbedryf het alles in die stryd gewerp om 'n grootskaalse internasionale bemarkingsveldtog van stapel te stuur sodat die Britte bewus gemaak kan word van die gehalte van Suid-Afrikaanse vrugte.
Volgens mnr. Stefan Conradie, produkbestuurder vir die Suid-Afrikaanse steenvrugtebedryf, wil hulle Britte aan pruime uit Suid-Afrika, 'n gewilde toeristebestemming, bekend stel.
"Dit is 'n baie opwindende eerste tree vir ons steenvrugprodusente. Dit kan ook die weg baan vir inisiatiewe om ander Suid-Afrikaanse vrugte in ons tradisionele en lojale Britse mark te bemark." Die bewusmakingspoging met sy Trots Suid-Afrika-stempel, sal vanaf Januarie tot Maart duur.
Dit is die belangrikste bemarkingsvenster vir pruime in Brittanje - een van Suid-Afrikaanse uitvoerders se tradisionele markte.
Lees meer in Landbouweekblad se uitgawe van 19 Desember 2008.
19 Desember 2008
