‘n Tegniese forum vir belanghebbendes in die vrugtebedryf is geskep waar inligting gratis uitgeruil kan word. Dit is www.innofruit.co.za
Die webwerf se hoofdoel is om ‘n gratis tegniese forum beskikbaar te stel aan boere in die vrugtebedryf. Die forum is gratis en dit duur slegs twee minute om te registreer.
Die rede waarom die webwerf begin is, is dat André Avenant, wat nuut in die vrugtebedryf is, die nut gesien het om inligting met mekaar te kan deel, sonder enige koste. André se mikpunt vir die webwerf is om talle tegniese mense daarby betrokke te kry.
Die forum werk as volg:
Boer 1 het ‘n vraag oor herfsbemesting en is nie seker oor die tipe toediening wat benodig word nie. Hy kan dan op die forum by www.innofruit.co.za registreer, na die herfsbemesting-afdeling onder die forum gaan en sy vraag daar pos. Boer 2, wat klaar geregistreer is, besoek die forum en sien daar is ‘n vraag van herfsbemesting wat ‘n antwoord verlang. Hy beantwoord dan die vraag, waar boer 1 dan ‘n e-pos-boodskap kry wat aandui dat die vraag beantwoord is.
Navrae: André Avenant by andre@ifruit.co.za
26 Maart 2010
