Met volgehoue groei in die kweek en uitvoer van aarbeiplantjies en die uitvoer van vars aarbeie het Professional Horticulture Consulting (PHC), by George in die Suid-Kaap, een van Suid-Afrika se grootste aarbei-uitvoerders onder die handelsmerk Garden of Eden Berries geword.
As kweker is die onderneming die grootste uitvoerder van aarbeiplante in die Suidelike Halfrond. Dr. Gavin Linsley-Noakes, een van die vennote van die onderneming wat in 2004 gestig is, het as konsultant bekend geraak in die bedryf en ’n kwekery op die been gebring wat geleidelik gegroei het.
Hy en mnr. Francois Roets, finansiële van PHC, het twaalf jaar gelede in ’n vennootskap die plaas Groeneweide, wat hy eers gehuur het, op ’n veiling gekoop. Die kwekery het tot stand gekom toe Linsley-Noakes as konsultant leemtes begin identifiseer het met die gehalte en prys van aarbei-plantmateriaal.
