Promosie-artikel:
Shavewood-beddegoed behou hul veselintegriteit en is veerkragtig en elasties. Dit verander nie in stof gedurende die siklus nie en is uiters absorberend. Dennehout het inherente antiseptiese kenmerke en Shavewood-beddegoed word eksklusief vervaardig van nuutgekweekte dennehout wat in die Hoëveldse denneplantasies naby Carolina in Mpumalanga gekweek word.
Kuikens wat op gerookte, stofvrye, veselagtige Shavewood-beddegoed grootgemaak word ontwikkel gesonde longe, ’n groter krop en groter borsies. Voëls wat op absorberende dennesaagsels grootgemaak word het gesonde pote, gradeer hoër en bereik ‘n hoër PEF, en beteken gevolglik ’n groter wins vir die boer.
Baie boere dek sommige van hul koste deur die afval van die skoongemaakte huis aan beesboere te verkoop. Afval van berookte Shavewood-denneskaafsels is veselagtig, wat beeste se grootpens stimuleer terwyl dit steriel is en dit dus geskik is as voer vir vleisbeeste.
Shavewood-beddegoed is die bevoorregte verskaffer aan van Suid-Afrika se suksesvolste pluimveeboere en ons sien uit na die voorreg om ook jou verskaffer te word.
Die ware koste van besparing
Die moderne pluimveeboer bestee tot R3 miljoen aan die oprigting van ‘n byderwetse 1 800 m²-pluimveehuis met die jongste tegnologie, outomatiese beligting en voerlyne, ekonomiese verhittingstelsels en streng toegepaste bio-sekuriteitstoetse en kontrolering.
Die 30 000 - 60 000 voëls in die moderne pluimveehuis is duur en die risiko van siektes wat deur die huis kan versprei moet streng in bedwang gehou word. Die marge in pluimvee is uiters nou en geen boer kan vrektes onder sy hoenders bekostig nie.
Sodra sy huis uitgerus is met ligte, voer, water en verhitting, is die volgende stap die beddegoed. Beddegoed moet absorberend genoeg wees om ammoniakbrandwonde te voorkom, splintervry wees om skade aan die pote van kuikens te vermy, stofvry om respiratoriese ongesteldhede te verhoed en natuurlik steriel om die risiko van salmonella, E.coli, Aspergillosis-swamsiekte of Aspi te verhoed, asook diep genoeg om die kuikens van die grond te isoleer.
Landbou-afvalprodukte as beddegoed
Landbou-afvalprodukte kom in die vorm van sonneblomdoppe, grondboontjiedoppe, gekapte mieliedoppe en gekapte koringstrooi. Houtafval is in die vorm van saagsels afkomstig van saagmeulens en skaafsels by die vervaardiging van dakkappe.
Fabrieksafval word verkry by die vervaardiging van meranti-venster- en deurrame en dennehoutmeubels, asook die skaafsels en saagsels van bandskuurders. Bogenoemde is al alles as beddegoed vir pluimveehuise gebruik.
Die voordeel: afvalprodukte is goedkoop om aan te koop
Baie van hierdie afvalprodukte kan goedkoop verskaf word en baie hiervan word in herwinde wolsakke verpak om op vervoerkoste te bespaar. Daar is geen kontrole nie en die enigste faktor is die prys – en dit is hier waar die probleme ontstaan.
Die nadeel: afvalprodukte is duur op die lang termyn
Sonneblomdoppe, grondboontjiedoppe en gekapte strooi is eetbaar, maar nie veselagtig nie, wat verteringsprobleme by kuikens kan veroorsaak wat aan hul beddegoed peusel. Kuikens wat op stowwerige beddegoed grootgemaak word ontwikkel asemhalingsprobleme wat hul groei beïnvloed.
Daar is geen kropstimulasie nie, so minder voedingstowwe beland in die voël se stelsel. Geen van hierdie afvalprodukte is absorberend nie. Dit veroorsaak brandwonde op die pote of voetsoolontsteking, afgradering van karkasse en ’n verlies aan inkomste. Kuikens met nou borsies van stowwerige beddegoed, beskadigde pote en brandwonde aan hul borsies kos die al sy swaarverdiende wins.
