Promosie-artikel:
In 'n vorige artikel was daar bestudeer watter tipe opbrengs die verskillende bateklasse, en dan spesifiek aandele, kan genereer oor die lang termyn.
Daar was gevind dat die gemiddelde jaarlikse opbrengs van die Top 40-indeks die laaste 10 jaar 11.14% was, terwyl die opbrengs van die industriële indeks 18.90% per jaar beloop het. Terselfdertyd was die opbrengs van rentedraende effekte op staatskuld +- 6.00% per jaar.
Hierdie artikel ondersoek hoe die verskil in opbrengs tussen staatseffekte en aandele bepaal word.
Daar word na hierdie verskil verwys as die ekwiteitrisikopremie (“equity risk premium”). Die mees algemene model wat gebruik word, staan bekend as die “capital asset pricing model (CAPM)”. Die model is in 1964 bekend gestel deur Treynor en Sharpe.
Die CAPM-model word as volg gebruik om die verwagte opbrengskoers van ‘n aandeel, of aandeleportefeulje, te bereken:
ra = rf + Ba * (rm – rf)
waar die afkortings die volgende beteken:
ra = Verwagte opbrengs van die aandeel / portefeulje
rf = Die risiko vrye opbrengs.
Daar word gewoonlike na staatseffekte gekyk vir die syfer. Byvoorbeeld, die R 208 staatseffek (wat in 2021 verval) se rentekoers / “koeponkoers” is 6.76%. Dit maak egter meer sin om te kyk na die verwagte rentekoers tot die volwassenheid (“yield to maturity”) in 2021. Hierdie rentekoers is 8.25%.
Ba = Beta, of risiko, van die aandeel. Dit word bepaal deur te kyk na die volatiliteit van die aandeel / portefeulje en die aandelemark, sowel as die korrelasie tussen die twee veranderlikes.
rm = Verwagte opbrengskoers van die aandelemark. Hier kan gekyk word na die historiese syfers van 11.40% vir die Top 40 indeks en 18.90% vir die industriële indeks soos genoem in die eerste paragraaf hier bo.
Die bostaande beteken, in ‘n neutedop, dat die opbrengs op ‘n aandeel / belegging gelykstaande is aan die risiko vrye koers (rf) plus ‘n risikopremie.
Die volgende voorbeeld van Naspers (NPN) kan gebruik word om die werking van die model te illustreer:
rf = 8.25%
Beta (Bloomberg) = 1.31
rm = 11.14
Dus: ra = 8.25% + 1.31 * (18.90% - 8.25%) oftewel 22.20% per jaar.
Hou in gedagte dat, deur die industriële indeks as inset te gebruik vir NPN se beta-berekening, neem die verwagte opbrengskoers van NPN baie toe. Deel van die motivering is dat die industriële indeks meer volatiel is as byvoorbeeld die finansiële indeks, en daarom ‘n groter opbrengs behoort te lewer.
Deur die bostaande metode te gebruik, kan die volgende verwagte opbrengskoerse bereken word. Die betas word ook gewys:
BHP Billiton (BIL) se verwagte opbrengs is 4.36%, met ‘n historiese beta van 1.50.
Firstrand FSR se verwagte opbrengs is 14.54% met ‘n beta van 1.27.
NPN se verwagte opbrengs is 22.20%, met ‘n beta van 1.31.
Redefine (RDF) se verwagte opbrengs is 16.01%, met ‘n beta van 0.84.
Dit maak dus meer sin om in FSR, NPN en RDF te belê, en BIL te vermy. Fondsbestuurders was die laaste paar jaar lief vir eiendomsmaatskappye, en bostaande analise van RDF verduidelik hoekom. Terloops, tydens my praatjie op RSG op Dinsdag 18 Oktober 2016 oor eiendomsmaatskappye het ek genoem dat beleggers kan kyk na JSE gelyste eiendomsmaatskappye met blootstelling in Oos-Europa, soos byvoorbeeld Echo Polska Properties (EPP).
BIL se bostaande syfers kan ook deels verduidelik hoekom fondsbestuurders se blootstelling in hulpbron maatskappye minder is (hulle is “underweight”) as die gewig van die Top 40-indeks.
? Edwin Smit is ‘n portefeulje bestuurder by BVG Financial Solutions, ‘n Gemagtigde Finansiële Dienste Verskaffer van die FSB (FSP 39889), en ook ‘n geregistreerde JSE handelaar van BVG Commodities (Lid van die JSE). Sy kontakbesonderhede is: (012) 484-4013 of edwin.smit@bvg.net.
