Die internasionale prys vir mielies het in dié week met 2,75 VSA sent per skepel gestyg. Die rand het die week ter sprake van R11,41 tot R11,74 per dollar verswak.
Plaaslike prys: Die huidige weersomstandighede is besig om groot kommer oor die grootte van die oes te veroorsaak. Die onsekerheid het die prys van wit mielies met R291/ton laat styg oor die laaste week en die van geel mielies met R238/ton. (Sien tabel hieronder.)
Volgens BVG se weerstasies het slegs die verre oostelike dele van Mpumalanga die afgelope sewe dae rëen ontvang. Die sentrale en westelike dele het geen rëen ontvang nie en uitsonderlike hoë temperature lei tot groot stremming in die ontwikkeling van die mielies.
In Bultfontein, Hoopstad, Bothaville en ander streke het die maksimum temperatuur gereeld bo 35 grade C gedraai.
Wat die situasie krities maak is dat die mielies in die mees sensitiewe stadium van ontwikkeling is en dat skade reeds voorgekom het. Dit is baie moeilik om die grootte van die oes te bepaal want die reën het uiters wisselvallig voorgekom. Om die skade te kwantifiseer is baie moeilik en almal wag in spanning vir die Oesskattingskomitee om sy nuutste oesskatting te publiseer.
Reënvooruitsigte vir die komende week lyk baie sleg en dit gaan die mark nog verder dryf.
Ek glo dat as die gekombineerde mielie-oes 4 ton/ha oorskry, daar genoeg voorraad gaan wees vir binnelandse gebruik. Daar is tans min aanwysers wat aanduiding gee tot waar die prys kan styg. Een scenario is dat indien daar ingevoer moet word, is 'n prys van R2 700/ton vir wit mielies in Julie moontlik. Tegnies is R2 680/ton vir 'n Maart-kontrak moontlik.
* Chris Venter is besturende direkteur van BVG Commodities.
