'n Artikel met die titel Die laaitie en die selfoon in Die Burger van 29 Julie 2016 het 'n mens tot stilstand geruk: Murray La Vita skryf dié aangrypende storie van 'n boer van Alma, doer in Vaalwater se omgewing, wat hom oor ‘n werker se seun ontferm het. Dit was nadat die boer, Hannes Jansen, vasgestel het dat dié jongeling, John Manganyi, saans met behulp van sy selfoon se liggie gestudeer het.
Jansen het die seun aangeneem en hom verder laat studeer. Lees die artikel hier:
Mnr. Hannes Jansen is nou uitvoerende hoof van Montagu Droëvrugte en Neute. Hy het aan La Vita oor John vertel: “Hy gaan uit en spreek swart mense toe. Hy verkondig nou aan hierdie ouens die woord van as jý suksesvol wil wees in hierdie lewe, you’ve got to take charge of your own life. Life doesn’t owe you anything . . . want ek het met hom gesít, báie ure daar by my op die plaas en dan het ek vir hom die basiese goed geleer. Ek het vir hom gesê: Vergeet die ding van jy’s swart en daar was apartheid en jy’t swaargekry. Jy kan dit by jou dra as ’n wrok teen wit mense, maar dít gaan nie jou beursie vol maak nie. Jy moet kyk na die toekoms; aanvaar verantwoordelikheid vir jou eie toekoms. En onthou: Niémand skuld jou iets nie. Jý moet dit doen.
“Ek dink hy het ’n goeie sukses gemaak. En dit het alles begin met ’n laaitie wat in matriek met ’n selfoonliggie gestudeer het. En ek is baie trots op hom, baie, baie trots.”
John het Landbou.com gekontak met die versoek: “Ek is op soek na kliënte vir my besigheid en vra dat julle asb. die storie met jul lesers deel. Ek glo dit sal mense motiveer om meer te doen. Ek is beskikbaar om uit te gaan en help met opleiding, sake-ontwikkeling, gemeenskapsontwikkeling en dies meer."
John kan tien tale vlot praat!
Lees John se verhaal. Sy kontakbesonderhede is hieronder:
* John Jansen Manganyi by die Desire2Win Group desire2wingroup@gmail.com
Tel.: 012 482 6688.
Stone House, Makoustraat 510, Monument Park, Uitbr.2, Pretoria, South Africa, 0181
