AFGRI
BEAN
03 Feb
-
9686,4
86,40
CORN
03 Feb
-
4500
-52,00
SOYA
03 Feb
-
8630
-17,00
SUNS
03 Feb
-
11093
-268,00
WEAT
03 Feb
-
6700
-28,00
WMAZ
03 Feb
-
4260
-27,00
YMAZ
03 Feb
-
4394
-27,00

Navorsing oor perdebye kan boere help

Die verspreiding van Duitse en Europese perdebye word tans nagevors om 'n strategie te ontwikkel om hulle te bestry en ook boere in die proses te help.

Lesers het me. Karla Haupt, ’n M.Sc.-student aan die Universiteit Stellenbosch, oorval met oproepe sedert ’n berig oor Duitse perdebye (Vespula germanica) in Landbouweekblad van 10 Januarie vanjaar verskyn het.

Die Duitse perdebye is besonder aggressief. Dit het boere rondom Stellenbosch, Somerset-Wes en Franschhoek al verhinder om vrugte en druiwe te pluk. Lesers is gevra om Haupt te bel as hulle dié perdebye sien om haar te help met haar navorsing. Sy het net twee oproepe ontvang rakende die Duitse perdeby. Die meeste was oor die inheemse rooi perdeby (Polistes marginalis) of die indringer Europese perdeby (Polistes dominula) waarop haar kollega en mede M.Sc.-student, mnr. P.C. Benadé, werk.

Volgens Haupt lyk die drie perdebyspesies na mekaar, maar hulle het tog kenmerke wat hulle van mekaar onderskei. Die rooi perdeby is rooibruin, terwyl die ander twee perdebye hoofsaaklik geel-en-swart is. “Mense verwar gereeld die rooi perdeby met die Europese perdeby omdat albei soorte papieragtige neste onderaan die oorhang van ’n huis of in wasgoedlyne maak. Die rooi perdeby is egter ’n inheemse insek en nie ’n probleem soos sy Europese familielid nie. Vir elke honderd neste van Europese perdebye wat jy kry, sal jy waarskynlik net een van rooi perdebye gewaar,” vertel sy.

Kenmerke
Neste van die Duitse perdebye word tipies ondergronds gemaak en lyk kartonagtig. Slegs ’n opening sal in die grond sigbaar wees. Die perdebye is egter opportunisties en maak ook neste in dakke en in bome. Die drie soorte perdebye is min of meer so groot soos ’n by. Die Duitse perdeby is effens groter, maar die verskil word moeilik opgemerk as jy die drie soorte nie langs mekaar het om te vergelyk nie. Die Duitse en Europese perdeby kom in dieselfde gebiede voor en lyk baie eenders, maar waar die Duitse perdeby swart antenas het, is die Europese perdeby s’n oranje. Verder is die Duitse perdeby se pote ingetrek tydens vlug, terwyl die Europese perdeby se pote onder sy lyf hang.

Haupt en Benadé is onderskeidelik besig om die verspreiding van Duitse en Europese perdebye na te vors. Hulle hoop om hierdie inligting te gebruik om ’n bestrydingstrategie vir die perdebye te ontwikkel. Hierdie studies word gefinansier deur die Departement van Omgewingsake deur middel van die Suid-Afrikaanse Nasionale Instituut vir Biodiversiteit (Sanbi) se indringerspesieprogram.

Enigiemand wat Duitse of Europese perdebye gewaar, kan ’n foto daarvan met ’n aanduiding van waar die foto geneem is, per e-pos stuur aan karlahaupt@sun.ac.za vir die Duite perdeby of pcbenade@sun.ac.za vir die Europese perdeby.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.48
-2.3%
Rand - Pond
21.07
-0.8%
Rand - Euro
18.88
-1.2%
Rand - Aus dollar
12.10
-0.1%
Rand - Jen
0.13
-0.4%
Platinum
973.57
-5.0%
Palladium
1,621.00
-2.9%
Goud
1,865.26
-2.5%
Silwer
22.34
-4.8%
Brent-ruolie
82.17
-0.8%
Top-40
74,082
+0.6%
Alle aandele
80,241
+0.6%
Hulpbronne 10
75,186
+0.7%
Industriële 25
103,461
+0.8%
Finansiële 15
16,550
0.0%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
Kom ons geniet ons geluk en vreugde saam.
Ek het n aangename en sterk persoonlikheid. Ek is n omgee mens wat altyd net die beste wil gee en doen. Ek het n goeie humorsin en is baie lief vir die natuur. Ek hou van goeie...
Plat op aarde boeremeisie opsoek na liefde
Ek het 'n hart van goud, mal oor diere, het' n liefde vir kinders, hou van kosmaak, bak, visvang, naweke weg ens.
Vind jou perfekte maat nou!
Ek is 'n:
Op soek na:
Ouderdomsgroep: tot