Omnia het die kader van verbruikersorg betree deur Petroleum Fine Product, ’n vervaardiger van petroleumjellie en wit olies vir die persoonlike sorg- en kosmetiekbedryf te bekom.
Omnia, die chemiese maatskappy wat hom op die mynbou-, chemiese en landboumark toespits, het Petroleum Fine Product (PFP) in KwaZulu-Natal bekom.
PFP vervaardig petroleumjellie en wit olies vir die persoonlike sorg- en kosmetiekbedryf en is sedert 2001 in bedryf. Die maatskappy se omset beloop meer as R130 miljoen per jaar.
“Dié verkryging verteenwoordig ’n goed deurdagte verskuiwing om produksie- en groeigeleenthede vir die groep te verbeter,” sê mnr. Rod Humphris, besturende direkteur. PFP sal Omnia se chemiese afdeling in staat stel om voordeel uit nuwe geleenthede te trek, sê hy.
25 Augustus 2009
