Landbou.com het vier gesinskaartjies ter waarde van R520 elk om die Gateway to Space-uitstalling by te woon. Die uitstalling is in die Sandtonse Konferensiesentrum in Johannesburg en is oop tot 31 Julie.
‘n Media24-woordvoerder, me. Minette Ferreira, sê dié uitstalling bring die groot avontuur van ruimteverkenning vir die eerste keer na Suid-Afrika nadat die uitstalling in Europa aangebied is.
Die Departement van Wetenskap en Tegnologie span saam met Media24 om die Gateway to Space-uitstalling aan te bied. Dit is om die jeug te inspireer en bewus te maak van die moontlikhede in die wetenskap, tegnologie, ingenieurswese en wiskunde as leer-areas.
Die uitstalling bied ook saam met organisasies soos die Hartebeesthoek-radio-astronomiesterrewag, die Suider-Afrikaanse Groot Teleskoop, die Suid-Afrikaanse Nasionale Ruimte-agentskap, die SKA-projek, die Kaapse Skiereilandse Universiteit van Tegnologie en Denel Spaceteq ’n versameling artefakte aan wat suksesverhale van hul werk in hierdie veld vertel. Dié deel van die uitstalling konsentreer op die Suid-Afrikaanse ruimtesektor, en kyk na astronomie sowel as ruimtewetenskap en -tegnologie.
* As jy belangstel om in aanmerking te kom vir die vier gratis gesinspakkette, stuur 'n e-pos met jou naam en kontakbesonderhede na webred@landbou.com. Tik “Gateway” in die e-pos se onderwerpsveld.
Landbou.com sal die vier wenners op 17 Junie trek en hulle kontak. Die kaartjies is slegs vir toegang tot die uitstalling.
