Die komponente van die
sojaboonrooster. Van links is ’n saadbak met ’n kapasiteit van 1 ton wat teen ’n verrigting van 100 kg/uur die stelsel 10 uur lank kan laat werk. Daarna voer ’n awegaar die soja deur ’n eenheid wat die onsuiwerhede uit die voorraad deur die grys pyp verwyder. Die sojapitte beweeg deur die roostereenheid (die blink silinder) voordat dit aan die regterkant in ’n tregterbak stort. Wanneer die geroosterde saad met ’n awegaar na die volgende opgaarbak gevoer word, help ’n waaiereenheid om dit te verkoel voordat dit deur ’n hamermeul gaan en die meel in 40 kg-sakke verpak word.
Hy was al van ’n voedingkundige tot ’n lewendehawebemarker, maar sy eie stuk grond was altyd mnr. Johannes de Beer van Wolmaransstad se mikpunt. Die plaas Uitkyk is in ’n gebied geleë waar sojabone geredelik verbou word.
Die gedagte om dié produk sommer op sy plaas te verwerk, het ontstaan die dag toe hy die plaas kon koop. Volvetsoja is ’n belangrike komponent van saamgestelde rantsoene, veral omdat al hoe meer boere wegbeweeg van voorafgemengde lekprodukte.
“Die rooster van volvetsoja is die bekostigbaarste proses vir plaasverwerking. Buitendien is dit nie by al die koöperasies te kry nie, en indien wel, is dit duur.”
Teken in op Landbou.com en kry toegang tot die beste joernalistiek en eksklusiewe produkte.
