Wiaan van der Linde sit hand by met die vervoer van kameelperde. Foto: Brand Republic
Die agtste episode van reeks 18 van Landbouweekliks word die week uitgesaai.
Wiaan van der Linde het belang by die hele wildwaardeketting: van fotografie en jagsafari’s, tot die teel van wild en die bemarking van wildsvleis. Hy is ’n leier in die jagbedryf en is ’n man wat glo dat jy eerder in die bakkie voor moet wees, as in die een wat agterna in die stof ry.
Op Wintershoek Wild is daar geen ruimte vir selfvoldaanheid en middelmatigheid nie. Baie van die besluite wat daar oor die jare geneem is, het later die bedryfsnorm geword. Wiaan is altyd besig met die ontwikkeling van nuwe idees wat die onderneming as meester van die bedryf sal hou.
