Kalaharikind, plaasbestuurder en skrywer van romanse. Só beskryf me. Ciska Burger haarself. Sy bestuur die Kaukerus-wildplaas van 10 000 ha suidoos van Rehoboth in Namibië saam met haar man, Corné.
Sy het op skaapplase grootgeword, eers naby Keetmanshoop. Toe sy tien was, het haar gesin Kalahari toe getrek na ’n plaas teen die Kgalagadi-oorgrenspark.
“Vakansies het ek, my broer en suster baie van die werk help doen en só is my wortels diep in daardie Kalaharigrond geanker. “Ek wou aanvanklik ’n natuurbewaarder word, maar ek wou mense ook oor diere en die natuur onderrig. Só het my loopbaan as veldgids en oordbestuurder ontstaan.”
