Ons het ’n Italiaanse masjien met optiese en gewigsfunksies gekies wat vrugte onderdeur ’n kamera voer. Agt foto’s word van elke roterende vrug geneem, dan bereken die sagteware die omtrek en gewig van die vrugte, waarna dit in die korrekte kanaal vir verpakking geplaas word.
Ons sukkel aanvanklik om die masjien korrek ingestel te kry en beroep ons op die konsessie-agentskap, maar hulle maak óók nie hond haar-af nie. Die eerste vrugteseisoen lewer baie foute op en ons kry afkeurings omdat vrugte verkeerd geklassifiseer is.
Die volgende jaar besoek ’n tegnikus ons al die pad van Modena af. Ná allerlei verstellings bly die sorteringsfoute steeds hoog. Ek word ál warmer onder die kraag oor die masjien wat bykans R1 miljoen kos en nie sy werk doen nie.
