Vanweë die toenemende gewildheid van die groep kan mense Jonsson-klere deesdae ook by verskeie groothandelaarswinkels in groot stede koop. Een van sy produkte is ’n supersterk kortbroek met altesaam tien bruikbare sakke en is gemaklik om die hele dag te dra.
Die broeke is beskikbaar in vyf kleure, naamlik vlootblou, kakie, donker kakie, steenkool en groengrys. Die broeke is van katoen gemaak, met spandeks vir groter beweeglikheid.
Die sakke op die agterstewe en die pype is aan die onderkant versterk met Oxford-poliëster, ’n duursame en liggewigmateriaal. Kantsakke kan maklik toegemaak word met ’n flappie met ’n kleefstrook (Velcro). Sakke en kantnate is met ekstra steke versterk vir duursaamheid. Die broeke het ook ’n ekstra selfoonsakkie op die broekspyp.
