500 g jong groenbone, puntjies afgesny
15 ml olyfolie
45 ml botter
3 groot knoffelhuisies, fyngedruk
100 ml gesnipperde pikantrissies
Fyngerasperde skil van 1 suurlemoen
2 wiele fetakaas, in klein blokkies gesny
Sout en varsgemaalde swartpeper na smaak
Verhit ’n kastrol met ligte soutwater tot kookpunt en laat dit vinnig kook voor jy die groenbone byvoeg. Kook die groenbone vir 2 minute en dreineer. Terwyl die bone kook, verhit die olie en botter saam in ’n groot pan tot matig warm.
Voeg die knoffel by en soteer vir ongeveer 2 minute. Voeg die pikantrissies en suurlemoenskil by en soteer verder vir 1 minuut. Voeg die warm bone wat pas gedreineer is, by die bestanddele in die pan.
Roerbraai vir ’n paar sekondes, tot die bone met ’n lagie van die lekker sous bedek is. Voeg die fetakaas by, geur na smaak met sout en peper en sit louwarm voor as bygereg.
Lewer 4 porsies.
