1 groot pynappel, geskil, skoongemaak en gehalveer
180 ml suiker
45 ml water
80 g botter
Skeut donker rum
300 g reg-om-te-gebruik-blaardeeg
Mascarpone of vanieljeroomys, om voor te sit
Vars kruisementblare, om af te rond Voorverhit die oond tot 190 °C.
Sny die gehalveerde pynappel in ewe dik skywe. Gebruik ’n koekiedrukker of poedinglepel met ’n skerp rand om die stronk mooi uit elke pynappelwiggie te sny. Sit die suiker en water in ’n swaarboompan met ’n oondvaste handvatsel.
Verhit oor lae hitte tot die suiker heeltemal opgelos is. Verhit tot kookpunt en prut tot karamelkleurig. Voeg die botter en rum by en prut verder tot ’n gladde karamelsous vorm.
Verwyder van die hitte. Pak die pynappelstukke styf teen mekaar en oorvleuelend in ’n mooi patroon in die karamelsous. Sit die pan terug op die hitte en verhit weer tot kookpunt. Laat prut liggies vir 3-5 minute.
