Ja, ek het ook gedink ek ken lekker soetpatats. Tot ek die eerste keer gestoofde anyspatats geproe het. Dié twee is gemaak vir mekaar.
Growwe sout
6 patats
30-45 ml botter
Suiker na smaak
30 ml fyn anys
Los die growwe sout in ’n bak met water op. Skil die patats en sny in blokkies. Sit dit dadelik in die soutwater om te verhinder dat die patats swart word. Smelt die botter in ’n swaarboomkastrol en voeg die patats en suiker by. Sprinkel die anys oor. Bedek en stowe die patats oor lae hitte. Skud die kastrol kort-kort sodat dit nie aanbrand nie. Lewer 6-8 porsies.
