- 500 g stokvis, in melk of water gestoom tot gaar en goed gedreineer
- 2 middelslag-aartappels, geskil, gekook en fyngedruk
- 2 groen brandrissies, pitjies uithaal en baie fyn gekap
- 1 ui, baie fyn gekap
- 30 ml elk fyngekapte vars pietersielie en koljander
- 60 ml fyngekapte vars kruisement
- 2 knoffelhuisies, fyngedruk
- 5 ml fyngerasperde vars gemmer
- 1 ekstragroot eier, geklits
- 250 vars witbroodkrummels
- 5 ml sout
Krummellaag
- 2 eiers, geklits
- 375 ml droë broodkrummels
- Olie, vir braai
Vlok die stokvis fyn en maak seker dat jy alle grate verwyder.
Meng dit goed met die fyn aartappel, brandrissies, ui, kruie, knoffel, gemmer, eier, broodkrummels en sout.
Vorm die mengsel in 5-6 ewe groot porsies, rol elkeen tussen jou hande in ’n frikkadel en druk dit platter.
Pak die gevormde viskoekies op ’n bakplaat en sit dit in die yskas vir minstens 30 minute.
Doop nou elke viskoekie in geklitste eier en bedek met droë broodkrummels. Pak weer op die bakplaat en verkoel vir 10 minute.
Verhit ’n bietjie olie in ’n pan tot matig warm en braai die viskoekies tot egalig goudbruin en bros oraloor.
Dreineer op kombuispapier en sit voor met skyfies en slaai van jou keuse.
Lewer 5-6 porsies.
