Die Eskom-kragkrisis ten spyt verkoop Volvo sy elektriese XC40’s vinniger as wat hulle in Suid-Afrika aankom. Die XC40 P8 elektries is die ouboet van die effens goedkoper XC40 P6 elektries (R1 075 000), wat met een aandrywingsmotor op die vooras toegerus is.
Op sy beurt het die P8 twee aandrywingsmotors – een op die voor- en nog een op die agteras – wat van hom ’n (blitsige) 4x4 maak. Met ’n kraguitset van 300 kW en 660 Nm kan hy van 0-100 km/h in net 4,9 sekondes versnel.
Hy’s ook nie net vinnig op ’n mooi, reguit pad nie. Omdat elektriese voertuie wringkrag so vinnig en doeltreffend kan versprei, voel dit of dié klein 4x4 se padhouvermoë onuitputbaar is.
