'n Boerbok-eliteram is vir R225 000 verkoop. Die verkoper was Conradie Genetics, Helmeringhausen, en die koper GJB Boerdery, Mariental.
Die 39 Boerbok-ramme op die veiling is gemiddelde R35 077 van die hand gesit en 194 skaapramme is vir gemiddeld R26 479 verkoop.
Die duurste kudderam het R85 000 behaal. Die verkoper was Lekwater Boerdery, Stampriet, en die koper was mnr. Christie van der Merwe, Maltahöhe. Kudderamme is vir gemiddeld R22 095 verkoop Die hoogste prys vir ’n stoetram was R60 000 beloop het, met die gemiddelde prys R25 200.
’n Kalahari Red-stoetram het R24 000 behaal en ’n kudderam 18 000.
Die duurste skaap, ’n wit Dorper tipe 5-ram, is vir R150 000 deur mnr. Koos Esterhuizen van Koes aan mnr. Pieter van Schalkwyk van Aroab verkoop. Die gemiddelde prys vir tipe 5-ramme het R67 750 bedra. ’n Kudderam het R45 000 behaal en ’n stoetram R40 000.
’n Damara-stoetram is vir R35 000 verkoop en 'n kudderam vir R11 000.
’n Dorper tipe 5-ram het R75 000 behaal. Die verkoper was mnr. Phillip Strauss van Karasburg en die koper mnr. Gerhard Nel van Mariental. ’n Stoetram is vir R45 000 en ’n kudderam vir R30 000 verkoop.
’n Meatmaster-ram het R10 000 behaal.
’n Persie-stoetram is vir R15 000 verkoop en ’n kudderam vir R14 000.
’n Van Rooy-kudderam het R44 000 behaal, ’n stoetram R30 000 en ’n eliteram
R27 000.
Ooiveiling
Ooie het net so goed gevaar. ’n Boerbok-elite-ooi het R75 000 behaal. Die verkoper was Conradie Genetics en die koper mnr. Owen Nsala van Botswana. Die gemiddelde prys het R33 077 bedra. Die hoogste prys vir ’n stoetooi was R45 000, ’n ooi met lam R18 000 en ’n kudde-ooi R16 000.
Die duurste Kalahari Red-stoetooi het R25 000 behaal, elite-ooi R22 000 en kudde-ooi R12 000.
Die hoogste prys vir ’n Dorper tipe 5-ooi het R20 000 bedra, kudde-ooi R13 000 en ’n stoetooi R10 000.
’n Meatmaster-ooi met lam is vir R26 000 verkoop en ’n ooi vir R21 000.
’n Wit Dorper tipe 5-ooi is vir R26 000 verkoop, ’n stoetooi vir R9 000 en ’n kudde-ooi vir R8 000.
’n Persie-elite-ooi het R6 000 behaal, ’n stoetooi R5 000 en ’n kudde-ooi R4 000.
Die duurste Van Rooy-kudde-ooi is vir R8 000 verkoop en ’n stoetooi vir R7 000.
’n Damara-kudde-ooi is vir R4 000 verkoop.
Die 61 bokooie op die veiling is vir gemiddeld R18 328 verkoop en die 153 skaapooie vir R10 072.
Die veiling is deur Namibia Livestock Auctioneers aangebied.
