'n Lugfoto van Bredasdorppark. Foto: Nampo Kaap
Die kwik kan Woensdag, op die eerste dag van Nampo Kaap 2022, tot 30 °C styg en matige toestande word vir die week op Bredasdorp en in omliggende gebiede voorspel.
Maksimum temperature van 22 °C
tot 24 °C word van Donderdag tot Saterdag voorspel.
Mnr. Johan van den Berg, onafhanklike landbouweerkundige, sê hoewel weermodelle verlede week sterk wind vir die week voorspel het, word matige wind van 10 km/h tot 25 km/h nou verwag.
Van Vrydag 16 September af kan bewolkte toestande en ligte reën voorkom, met minder as 5 mm wat voorspel word.
“Weerstelsels dui aan dat meer reën van Sondag af oor die gebied kan voorkom, wat probleme kan skep vir uitstallers wat hul uitstallings moet opbreek en hul strukture en uitstallingsmateriaal moet verwyder.”
