Die maatskappy, wat deur boere begin is, verstaan dat boere duursame en doeltreffende werktuie van gehalte nodig het wat koste, arbeid en tyd bespaar. “Ons het ’n oopdeurbeleid waar boere ’n werktuig in die veld kan toets voordat hulle hulself tot ’n transaksie verbind,” sê mnr. Lindsay Hunt, direkteur van Farm Italy.
Die span
Farm Italy Imports het ontwikkel uit Hunt Africa, ’n buffelteel-onderneming wat in 1994 gestig is. In 2008, op ’n besoek aan ’n Italiaanse landbouskou, het dit duidelik geword dat daar aansienlike geleenthede was om doeltreffender te leer boer.
In 2010 is Farm Italy Imports geregistreer en is sy eerste werktuie vir veldtoetsing ingevoer. Die maatskappy was só beïndruk dat dit wat as ’n bykomende besigheid begin is, sy kernbesigheid geword het.
Hunt besoek Italië gereeld om aan die voorpunt te bly van die landboutoerustingbedryf en om optimale kommunikasie met Farm Italy Imports se verskaffers te handhaaf. Mnr. Johan Ungerer hou toesig oor die instandhouding en onderdele en toets werktuie in die veld.
Farm Italy Imports is besig om ’n uitstekende netwerk van handelaars te ontwikkel wat plaaslike ondersteuning sal kan versterk.
Farm Italy Imports se benadering is eenvoudig. Die maatskappy lê klem op markleidende tegnologie waar hy regstreekse persoonlike verhoudings met die vervaardigers het. Die maatskappy toets elke werktuig in die veld om seker te maak dit is taai genoeg vir Afrika-toestande.
Die groot probleem in boerdery is om grondsinergie tussen mens en masjien te vind, terwyl ’n mens in harmonie met die natuur werk en ekonomiese volhoubaarheid bewerkstellig.
Farm Italy Imports gaan op Nampo al die nuwe Orsi-teenrigting-swaailemsnyers ten toon stel. Dié snyers kan boordbestuur verander.
