In ’n samelewing wat behep is met weggooi en vervang pleks van om reg te maak, en waar besighede toenemend hul inkomstemodelle op beplande veroudering en produklewensiklusse bou, glo Falcon in langlewendheid en duursaamheid.
Falcon spog met ’n indrukwekkende plaaslike netwerk van meer as 350 gemagtigde handelaars, waarvan ongeveer 110 toegewyde meganisasiehandelaars is. Die maatskappy voer produkte na tien ander lande in Afrika suid van die Sahara uit.
Die Falcon- en Locust-reeks implemente word plaaslik vervaardig met ’n onwrikbare klem op innovasie en voortgesette verbetering om voortdurend in die veranderende behoeftes van klante te voorsien. Die maatskappy voer ook ’n reeks implemente in wat plaaslik vervaardigde implemente aanvul. Dit sluit in Amazone, die leier in Duitse innovasie, met ’n verskeidenheid strooiers, spuite, gespesialiseerde grassnyers en grondbewerkingsimplemente.
Falcon is die eksklusiewe verskaffer van alle Falcon Original- en Amazone-onderdele deur sy gemagtigde netwerk van handelaars, en hy bedryf ook sy eie onderdele-afdeling. Dit verhoog die betroubaarheid van sy implemente en verminder staantyd vir die boer.
Met Falcon se klem op innovasie vanjaar sal hy voortgaan om nuwe produkte en dienste te ontwikkel in reaksie op die veranderende behoeftes van die Afrika-landboubedryf. Die maatskappy plaas die klem op die handhawing van ’n professionele benadering tot besigheid, terwyl hy nuwe tegnologieë, innovasies en maniere om besigheid te doen, aanneem en ontwikkel om relevant te bly in ’n veranderende mark. Hy het ook deur die jare langdurige verhoudings met sy handelaars en hul kliënte opgebou, gegrond op eerlikheid, vertroue, respek en integriteit.
Wees op die uitkyk vir Amazone se opwindende GO for Innovation-veldtog 2022, met onder meer WindControl vir ZA-TS en ZG-TS-strooiers, AmaSelectspuitpuntbeheer en AmaSwitchdeelwydte-seksiebeheer. Falcon sien uit na volgehoue sukses en groei as ’n plaaslike vervaardiger, invoerder en verspreider.
