AFGRI
BEAN
09 Des
-
9600
95,00
CORN
09 Des
-
4405,4
14,40
SOYA
09 Des
-
10400
72,00
SUNS
09 Des
-
10530
69,00
WEAT
09 Des
-
6751
-13,00
WMAZ
09 Des
-
4780
-31,00
YMAZ
09 Des
-
4730
-2,00
AMT
Ave Wool - Non RWS
25 Nov
-
161,43
8,93
Ave Wool - RWS
25 Nov
-
165,08
7,23
Beeste A2/3
25 Nov
-
59,74
-0,14
Beeste AB2/3
25 Nov
-
55,92
-2,28
Beeste B2/3
25 Nov
-
51,94
-0,63
Beeste C2/3
25 Nov
-
49,11
-0,63
Bevrore Hoender
25 Nov
-
32,3
0,32
Bokkies (onder 30 kg)
25 Nov
-
59,57
0,15
Bokooie
25 Nov
-
42,28
3,18
Groot (meer as 40 kg)
25 Nov
-
43,87
-0,26
Hoender (IQF)
25 Nov
-
31,5
0,18
Medium (30-40kg)
25 Nov
-
60,31
5,18
Pork Average
25 Nov
-
36,15
-0,47
Poultry Average
25 Nov
-
32,51
0,25
Skaap A2/3
25 Nov
-
91,99
-0,90
Skaap AB2/3
25 Nov
-
77,48
-0,41
Skaap B2/3
25 Nov
-
74,46
1,06
Skaap C2/3
25 Nov
-
70,17
0,20
Speenkalf
25 Nov
-
36,89
-0,04
Spekvarke
25 Nov
-
36,25
-0,10
Stoorlammers
25 Nov
-
40,69
0,18
Varkwors
25 Nov
-
28,46
-0,82
Vars Hoender
25 Nov
-
33,73
0,26
Vleisvarke
25 Nov
-
36,02
-0,69

Aanlyn kursusse skep geleenthede vir jonges

akkreditasie
0:00
play article
Intekenare kan na hierdie artikel luister
Foto: Landbouweekliks
Foto: Landbouweekliks
Die landbou verloor sy jong mense aan stropery in Amerika en dis waarom ’n aanlyn landboukollege Afrikaanse jong mense wil lok.

Agricolleges International het in 2018 aanlyn landboukursusse begin aanbied en kon vanjaar begin om van die kursusse in Afrikaans aan te bied, danksy geld van die Dagbreek Trust se Trust vir Afrikaanse Onderwys.

Me. Laurika du Bois, bemarkingshoof van die kollege, het op ’n mediageleentheid van TLU SA gesê Afrikaanse jong mense het min geleenthede om in die landbou te gaan studeer.

“Jong mense kom nie meer in by landboukolleges nie en kolleges is boonop in ’n vreeslike toestand. Hulle kom nie by koshuise en universiteite in nie, weens kwotas en beperkte innames, en universiteite se kursusse het baie wetenskapliker (as prakties) geword.”

Agricolleges International het saam met TLU SA ’n kompetisie vir sy lede aangebied waardeur drie jong mense beurse gekry het om vir inleidende kursusse aan die kollege in te skryf. Hulle is gekies op grond van die motiverings wat hulle moes skryf oor die landbou as volwaardige beroep vir die toekoms.

Mnr. Michael Otto (21), van die Waterpoort-omgewing in Limpopo, het die beurs gekry om inleiding tot diereproduksie te studeer, mnr. Hendrik Prinsloo (19), van die Stofberg-omgewing in Limpopo, inleiding tot plantproduksie, en me. Chantelle Visser (18) van Garies in die Noord-Kaap, inleiding tot landboubesigheid.

Michael Otto
Mnr. Michael Otto. Foto: Verskaf
Hendrik Prinsloo
Mnr. Hendrik Prinsloo. Foto: Verskaf
Chantelle Visser,
Me. Chantelle Visser. Foto: Verskaf

Die kollege bied ook ander kursusse aan.

Die instelling wil die kompetisie uitbrei en in streekverband beurse gee. Studente hoef net twee tot drie uur per dag aan ’n kursus af te staan. “Jy kan steeds vir jou pa boer,” was Du Bois se boodskap aan jong mense. 

Spreekwoordelike droogte

Mnr. Bennie van Zyl, hoofbestuurder van TLU SA, het op dieselfde geleentheid gesê die organisasie ervaar dat baie mense skepties en pessimisties oor die toekoms is en dat die land in ’n spreekwoordelike droogte ingaan. TLU SA wil graag help om dit, figuurlik gesproke, te verander om ’n “stroomversnelling na die toekoms” te skep.

Wanneer kleiner stroompies saamvloei, word dit later ’n groot rivier, het hy gesê.

“Ons organisasies, in die breër landbou-omgewing, het elk ’n stroom om by te dra tot ons lewensaar om volhoubare sukses of lewe te kan teweegbring. Sommiges se stroom is wesenlik groter as die ander, maar geeneen se bydrae moet geringgeskat word nie.”

Van Zyl het gesê TLU SA is realisties oor hoe groot sy “stroompie” is, maar is trots daarop dat hy deurentyd beginselvas, begrond en suiwer is. Die organisasie werk ook toenemend saam met netwerkvennote.

Dit is nodig om eerlik te word oor die werklikhede in Suid-Afrika. “Sekere dinge werk, ander nie. Indien ons aanhou om dit wat nie werk nie, te probeer regverdig terwyl ons van beter weet, is ons elkeen aandadig daaraan dat ons nie ’n toekoms vir die volgende geslag skep nie.

“In Suid-Afrika het ons al grootliks verlief geneem dat ons mislukkings geleer bestuur het. Dit is ons werklikheid. Ons probeer kyk hoe ons die ‘droogte’ weens ’n onrealistiese beleidsomgewing kan verbeter.”

Markkragte het volgens hom altyd die laaste sê oor sukses. In vergaderings met die regering is dit hartseer om te sien nie almal verstaan dit nie. “Mense dink welvaart bestaan maar net en ons moet dit net verdeel. Die feit dat boere elke dag moet stoei en werk om dit reg te kry, is vir hulle amper irrelevant.”

Daar moet ’n sterk toespitsing wees op ekonomiese groei as die enigste blywende oplossing vir die land se groeiende werkloosheid en armoede. Van Zyl het die maatskaplike probleme as ’n tydbom bestempel.

Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.

Boer vooruit met ’n Landbou.com-intekening
Teken in op Landbou.com teen R149 per maand en kry toegang tot gehalte-joernalistiek, alle landboutydskrifte, Landbouweekliks-episodes, boeke en baie meer.
Teken in
Smalls

Besoek ons nuwe webwerf vir geklassifiseerde advertensies en plaas jou advertensie in LBW én aanlyn. Vind ook vinnig en maklik die produk waarna jy soek!

Sien meer
Rand - Dollar
17.36
-1.1%
Rand - Pond
21.29
-1.3%
Rand - Euro
18.29
-0.9%
Rand - Aus dollar
11.81
-1.5%
Rand - Jen
0.13
-1.2%
Goud
1,797.73
+0.5%
Silwer
23.50
+1.9%
Palladium
1,963.22
+1.7%
Platinum
1,030.76
+2.1%
Brent-ruolie
76.15
-1.3%
Top-40
68,351
+0.1%
Alle aandele
74,548
+0.1%
Hulpbronne 10
73,315
-0.7%
Industriële 25
92,605
+1.0%
Finansiële 15
15,401
-0.9%
Alle JSE-data is met minstens 15 minute vertraag Iress logo
Besoek ons winkel!

Besoek die LBW-winkel en koop verskillende produkte soos boeke, tydskrifte, klere en meer.

Besoek LBW-winkel
Opsitkers
lewensmaat
Eks eerlik opreg weet wat ek wil he in die lewe hardwerkend en sal n goeie vriend wees. Eks rustig netjies en sal my vriendin op die hande dra. Hou niks van argumente nie wil...
Ek soek my sielsgenoot, die een wat by my sal pas
Ek is baie saggeaard en my liefde vir my familie en diere vorm deel van wie ek is. Glo dat God ons nie gemaak het om alleen te wees nie
Vind jou perfekte maat nou!
Ek is 'n:
Op soek na:
Ouderdomsgroep: tot