Beleggings is nodig om die potensiaal van die landbou in Afrika te optimaliseer en werkgeleenthede te skep, sê pres. Jacob Zuma.
Hy het die lande wat die derde Afrika-Europese Unie-beraad in Tripoli in Libië bywoon, gevra om daadwerklik op te tree sodat die Millennium-ontwikkelingsdoelwitte (MOD’s) bereik kan word.
Volgens Zuma het dit tyd geword dat staatshoofde sorg dat die doelwitte wat in September 2000 rakende die MOD’s onderneem is, voor die spertyd van 2015 bereik word.
Nie nog nie vergader nie
Zuma sê twee maande gelede het staatshoofde in New York by die Verenigde Nasies vergader oor die MOD’s en deelnemers het hulle daartoe verbind om meer te doen om die doelwitte binne die volgende vyf jaar te bereik.
Tydens dié vergadering het die staatshoofde egter opgemerk dat met net vyf jaar oor, baie Afrikalande nie noodwendig die die doelwitte gaan kan nakom nie.
Volgens Zuma kan Afrika die broodmandjie van die wêreld word, aangesien die mense van die kontinent se brood en botter van die landelike ekonomie afhanklik is. Hy sê belegging en hulp is egter nodig om die landbousektor meer suksesvol te maak, veral aangesien infrastruktuur en weersomstandighede - en derhalwe die uitwerking van klimaatsverandering - groot uitdagings inhou.
2 Desember 2010
