Van der Merwe en sy entiteite skuld die Land Bank R80 miljoen, en is reeds gesekwestreer en gelikwideer.
Mnre. Deon Botha, Jochen Eckhoff en Fusi Rampaporo, likwidateurs van Project Multiply, een van Van der Merwe se maatskappye, het die dringende tussentydse interdik teen Van der Merwe en Agnes van der Merwe as trustees van die Ronnie van der Merwe Familie Trust bekom.
Die likwidateurs voer in die betooghoofde aan hulle wil voorkom dat die Beechcraft A36-vliegtuig, eens in die besit van Project Multiply, vervreem word hangende ’n aansoek wat hulle teen die trust gaan bring om die vliegtuig deel van die insolvente boedel te maak.
